GSS pissartanngoqqippoq
Arnat aamma angutit assammik arsarlutit pissartanngorniunnerannik GSS kuultinnappoq
Nunatsinni assammik arsarluni pissartanngorniunnerni GSS ajugaaqqippoq.
Ukiut qulingiluat tulleriisiinnarlugit GSS assammik arsarluni pissartanngorniunnermi, angutini aamma arnani pissartanngorpoq.
Ukioq manna GrønlandsBANKEN GM 2018-imi pissartanngoqqinnerminni GSS pitsaassutsimik nukittussutsimillu takutitseqqippoq. Unamminerit aallartinneranniilli arnani aamma angutini pissartanngorniutivinnermi unammisatik katakkiartorpaat.
Arnat unammineranni NÛK aallaartilluaraluarpoq, unamminerullu immikkoortuani siullermi malinnaalluarlutik. Muminnerup kingorna GSS illersuinertik allanngorpaat, tassanilu unamminermi imminut iluaquserlutik aalajangiipput.
Bronzinnanniunnermi SAK aamma Team Nuuk unammimmata unammineq sivitsorneqartariaqarpoq, kingornalu Team Nuup ujammit bronzit qulakkeerpaat. Unamminerup naammassilernerani SAK-p ajugaanissani qulakkiingajaqqagaluarpaa, kisianni Team Nuuk unamminermi angummatipallappoq, sekundinilu kingullerni angummakkamik unammineq sivitsorneqarpoq.
Angutit unammineranni GSS pissartanngorniutivinnermi Nagdlungumut unamminissamut piareersarluarsimanerupput. Unamminermi aalajangiisumik sukkasuumik siuarput, N-48-p angunissaa ajornakusoortippaa.
Angutini NÛK bronzinnappoq, taakku Norsaq HC-mut unammilluarput.