Skip to main content

Grønlandsbanki: Mittarfittaassanut matussutaasinnaasunik ujartuivoq

Nunatsinni mittarfittaassat sanaartorneqaranni aningaasartuutissat pilersaarutaasumit qaffasinnerussappata Kalaallit Airports aamma Naalakkersuisut aningaasartuutaanerusinnaasunut qanoq allatut matussusiiniarnersut Grønlandsbanki ujartuivoq.

Tamanna mittarfiit sananeqarnissaannut aningaasalersorneqarneqarnissaannullu  sinaakkutissatut piumasaqaatit pillugit inatsissatut siunnersuutip tusarniaassutigineqarneranut, siornalu nassiunneqarsimasumut,  akissuteqataammi atuarneqarsinnaavoq.

Aningaasartuutissat qaffasinnerpaaffiat: 3,6 milliarder

Bankip maluginiarpaa inatsisissatut siunnersuummi Namminersorlutik Oqartussat 2,4 milliarder koruunit aningaasaliinissamut killiliussimagaat sanaartugassanut 3,6 milliarder koruuninik naleqartussatut maannamut missingersorneqarsimasuni.

Bankillu inatsisissatut siunnersuut ima paasivaa sanaartugassat tamarmik annerpaamik 3,6 milliarder koruuninik aningaasartuutaajumaartut. 

- Bankip siunnersuutigivaa eqqarsaatigineqassasoq Kalaallit Airports aamma Naalakkersuisut qanoq periuseqassanersut aningaasartuutissatut naatsorsuutigineqartut naatsorsuutigineqartunit qaffasinnerussangaluarpata, tusarniaassummi akissummi taama ilaatigut allassimasoqarpoq.

Sanaartugassat annertuut

Sanaartugassani annertuuni aningaasartuutissatut naatsorsuutaasunit qaffasinnerusumik aningaasartortoqartarnera takornartaanngilaq, tamannalu bankip tikkuaaneranut patsisaangunarpoq.

Bankimiit isumaqartoqarpoq  mittarfinnik pingasunik sanaartornissaq aalajangiiffiginnginnerani pilersaarusiorluni suliassat siullit suli amigaataasut, soorlu “sanaartornissami aningaasaliissutissatut tamakkiisunut naatsorsuinerit”. Tamannalu takuneqarsinnaavoq Grønlandsbankenip tusarniaanermut akissutaani pisortaanermit Martin Kviesgaardimit aamma tullersortaanit John Jakobsenimit atsiorneqarsimasumi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER