Grønlandsbankenimi Greenland Holding aktianik pisivoq
Namminersorlutik Oqartussat Grønlandsbankenimi aktiaatitik tamaasa Greenland Holdingimut tunivaat
Annonse
Grønlandsbankenimi piginneqataassutsit amerlasuut Namminersorlutik Oqartussat aamma taakku pigisaata Greenland Holdingip akornanni tunineqarput. Ritzau/finans taama allaaserisaqarpoq.
Greenland Holdingip marlunngornermi Grønlandsbankenimi aktiat 150.813-t Namminersorlutik Oqartussanit pisiarai, taakku aningaaseriviup aningaasaataasa 8,38 procenteraat. Taamaalillunilu Namminersorlutik Oqartussat aningaaserivimmi toqqaannartumik aktiaateqarunnaarpoq.
Ullumikkut aningaasat nalingat naapertorlugu aktiat nalingi 90 millionit koruuninit amerlanerupput.
Grønlandsbankenimi Greenland Holding 6,24 procentinik piginneqataassuteqareerpoq.