aningaasaq qajannaatsut
Grønlandsbanken bankini tamani akiliisinnaassuseqarnerpaavoq
Nunatsinni bankit annersaat qallunaat aningaaseriviit akiliisinnaassusaannik uuttortaaneranni nutaami angusarissaarnerpaavoq
Aningaaseriviit akiliisinnaassusaat qanoq qajannaatsigineranni uttortaammik nutaamik, ilisimatusartut marluk periutsimik nassaarput.
Aningaaseriviit aningaasaqarnikkut ajortumeeraangata, soorlu aningaasaqarnikkut ajalusoortaqarnera assingalugu, kingusinaannginnerani iluarsineqarsinnaanerat uuttuutip takutissavaa.
Århusermiut nassaavat
Aningaaserivinnik Danmarkimi børsimut nalunaarsorneqarsimasut uuttorneqarnerat naapertorlugu, Grønlandsbanken qajannaannerpaavoq.
Berlingske Business taama allappoq.
Berlingske Businessimi atuaruk: Danske banker styrer i blinde direkte mod ny finanskrise
Akiliisinnaassusermik uuttuinermi MSolvensimik taagorneqartoq nutaajuvoq, professorimillu Anders Grosenimit aamma lektor Johannes Raaballemit nassaarineqarpoq, taakku marluullutik Aarhus Universitetimi Institut for Økonomimi atorfeqartuupput.
Peqqissaartumik akiliisinnaassuseqartoq
Periuseq nutaaq pillugu Berlingskep allaaserisaa Finansrådip itigartitsissutigaa, Nationalbankenili atorneqarsinnaasoq isumaqarpoq.
Grønlnandsbankan siornatigut uuttuinerni assingusuni nersualaarneqartareertoq, Kreditbankenimit siulliulaarluni akiliisinnaassuseqartutut inissisimavoq.
Atuaruk: Anders Brønsip Grønlandsbankenimi inissisimanini nukittortippaa