Aktion
Greenpeacep Villy apummik sungaartumik tuniniarpaa
Nunanut allanut ministerip Issittumi avatangiisinik suusupaginninnerarlugu qallunaat atsiortut 1.000-iugaangata Greenpeacep ministeri apummik sungaartumik biilip usisaataanut pajuttarniarpaa
– Villy Søvndalip Issittumi avatangiisit suusupagai, illersorniarlugit iiluuseqannginnami. Villy Søvndal Issittumi Siunnersuisoqatigiinni Naalagaaffeqatigiit sinniisoraat, Naalagaaffeqatigiillu Issittumut periusaannut akisussaasuulluni. Maannakkorpiaq upalungaarsimaneq ajorluinnarpoq, nunanullu allanut ministeri Kalaallit Nunaanni Issittumilu uuliamik qillerinermi isumannaatsuunissamut ersarissunik sakkortuunillu piumasaqartariaqarpoq, Niels Fuglsang, qallunaat Greenpeacemi issittumut suliniutaanni pisortaq oqarpoq.
Aamma atuaruk: Politikerit uuliamik qillerineq unitsinniarpaat
Aamma atuaruk: Illersornissamut ministeri uuliamik qillerinerit pillugit isumasioqatigineqarpoq
Aamma atuaruk: Uuliamik qillerineq silaqanngitsuliorneruvoq
Greenpeace isumaqarpoq apeqqutaasoq Villy Søvndalip Issittoq paarineraa imaluunniit Issittoq suusupagineraa. Tamannalu akissutissarsiorniarlugu qallunaatr ikiortiserai. Guldsne.dk-mi nunanut allanut ministerimut allattoqarsinnaavoq atsiornerillu tamaasa apummik quutut sungaartumik qalipaatilimmik immikkoortitsisoqartassaaq. Inuit Villy Søvndalimut allattut 1.000-inngoraangata Nunanut allanut Ministereqarfimmut aput sungaartoq trillebøri ulikkaarlugu tunniukkiartorneqartassaaq. Allakkat 5.000-t anguppatigit ladvogn ulikkaarlugu, 10.000-illu anguppatigut lastvogni ulikkaarlugu.