uulia
Greenpeacep umiarsuaa Nunatsinnukaartoq
Naalakkersuisut Kalaallit Nunaata imartaani misissuisitsinissaat ernumagalugu Greenpeace umiarsuamik Nunatsinnukaassivoq
Aarrit imarmiullu allat Kalaallit Nunaanni misissuisoqarnerani ajoqquserujussuarneqarsinnaanerat aarleralugu Greenpeacep umiarsuaatini Kalaallit Nunaannukaappaa.
Misissuisoqareerneratami kingorna uuliasiortoqalersinnaavoq, tamanna Greenpeacemit aarlerineqarpoq.
Misissuinerit
Kalaallit Nunaata imartaani uuliaqarneranik misissuinerit eqquerujussuarsinnaanerat aarlerineqarpoq.
- Kalaallit Nunaata imartaani uumasoqarpoq misissuinernit ajoqqutaarujussuarsinnaasut, taamaammat Naalakkersuisut misissuinissanut akuersisimanerat isornartorsiorparput. Uumasut uuliasiornissamit salliutinneqartariaqarput, Greenpeacemit Jon Burgwald oqarpoq.
Nuummi Qaqortumilu
Arctic Sunrise Nuummut tikissaaq aggustip 15-ani, kiisalu aamma Qaqortumut 19-ani tikissalluni. Soqutiginnittunut umiarsuaq ammatinneqassaaq. Taanna pereeriarpat uulisiornissamut misissuinissamut, Kalaallit Nunaata avannaanukassaaq illoqarfinneereeruni.