'Nunatsinnut iluaqutissat'
Greenpeace: Namminersorlutik Oqartussani kukkusoqarsimanera nassuerutigineqarli
Nalunaarusiap 'Kalaallit Nunaannut iluaqutaasussaq'' aatsitassarsiornermut pingaarutilimmik saqqummiussaqartoq Greenpeace isumaqarpoq
Nalunaarusiaq 'Kalaallit Nunaannut iluaqutaasussaq' januaarip 24-anni saqqummiunneqartoq, Greenpeacep atuaqqammerpaa. Kalaallit Nunaata aatsitassariornissaa pillugu nalunaarusiaavoq, nunatsinni Danmarkimilu tusagassiutitigut sammineqangaatsiarluni.
Greenpeacep nunat issittut pillugit oqaaseqartartuat Jon Burgwald isumaqarpoq nalunaarusiap takutikkaa inuiaqatigiinni oqallittoqartariaqartoq suut aatsitassat siunissami aqqutigineqassanersut.
- Namminersorlutik Oqartussani erseqqinnerusumik aatsitassat pillugit aalajangiisoqartalertariaqarpoq. Kalaallit Nunaata aatsitassat aqussavaat, aatsitassat Kalaallit Nunaanni aqutsisuussanngillat, Jon Burgwald oqarpoq.
- Siunissami pisinnaasunik tallimanik nalunaarusiami saqqummiussisoqarpoq, qanorlu iliortoqarnissaanik siunersuisoqarluni. Naak kattuffiit ilaasa nuannarivallaanngikkaluaraat, siunersuusiortoqarporli ilumut oqallinnerit Kalaallit Nunaanni annertunerusariaqartut, tamannami pingaaruteqarpoq.
- Sumiiffinni aalajangersimasuni aatsitassarsiornermi mianerisassat amerlasuujusarput, nunarsuarmioqatitsinnit ilaannit soqutigineqarluni. Uuliasiornissarli apeqquserneqarsinnaavoq, uuliasiornissamut misissuinermi danskit aningaasaataannik atoqqaartariaqarpoq siunissamilu kalaallit uuliaannik taarsersorneqarumaarluni, tamannalu oqallisissiatut pingaartutut isigaara, Jon Burgwald oqarpoq.