Greenpeace: Danmarkip akisussaaffini nassuerutigisariaqarpaa

Nunat tamalaat avatangiisinik illersuiniaqatigiiffia Greenpeace nunanut allanut ministerinngorlaamut Anders Samuelsenimut (LA) erseqqilluinnartumik kaammattuuteqarput.

- Danmarkip Camp Centurymi oqaluttuarisaanermi akisussaaffini nassuerutigisariaqaraluarpaa. Kalaallit Nunaanullu utoqqatserluni saliisoqarnissaa isumagalugu.

Avatangiisinut suliniaqatigiiffiup nunanut avannarlernut akisussaagua Jon Burgwald oqallissaarummik danskit aviisiannut Dagbladet Informationimut allappoq,

Atuaruk: Aleqa Hammond: Pisinnaatitaaffigut Danmarkip unioqqutippai

Danmarki toqqortissanngilaq

Nunanut allanut naalakkersuisoq Vittus Qujaukitsoq (S) suliaq pissugu nalagaaffiit peqatigiinnukassalluni sioorasaarereerpoq.

- Kalaallit Nunaanni politikkerit nunaqavissullu paasinartumik aalassaqqarpput, Jon Burgwald erseqqissaavoq. Mingutsitsinerlu sikup ataaniinneranik siaruaatinnginnissaa utoqqatsissutigineqassanngitsoq isumaqarluni.

Atuaruk: Kalaallit Nunaata Danmarkillu akornanni ajornartorsiorneq

- Danskit politikkeriisa ukiorpassuit matuma siorna amerikarmiut sakkutooqarfianni mingutsitsineq akuerisinnaagamikku aaqqiiffigisariaqaraluarpaat, Jon Burgwald isumaqarpoq.

Atuaruk: Nunatta Danmark USA-lu Naalagaafiit Peqatigiinnut suliassanngortinniarlugit siorasaarutigigaa

Pisoq pillugu Danmarki pingaarniakujuttuunerarneqarnera AG-mi atuarsinnaavat. Aviisi uani pisiariuk:

AG Uge 49 2016

Klik her for at læse