Greenpeace
Greenpeace akiligassitsinneqarujussuarpoq
Qeqertarsuup Tunuani uuliasiortoqarnissaanik akerliunerminik 2011-mi takutitsinermini Greenpeace 175.000 koruuninik akiligassinneqarpoq
Greenpeace Danmarkimut Greenpeace Internationalimullu akiligassiisoqarnissaa Kalaallit Nunaanni Eqqartuussiviup ullumi ataasinngornermi nalunaarutigaa.
Greenpeace 'angerlarsimaffimmi eqqissisimanermut kanngunarsaasutut' unnerluunneqarpoq, tassani Greenpeacermiut 18-it umiarsuarmi qillerivimmi Leiv Eirikssonimi tigusarineqareernerisa kingorna 2011-mi.
Piffissami tassani Cairn Energy misileraalluni misissuinerani pivoq.
Greenpeace Danmark 100.000 koruuninik akiligassinneqarpoq, Greenpeace International 75.000 koruuninik akiligassinneqartoq.
- Greenpeacep iliuuserisimasai nalilersoreerlugit inunnik ajoqqusertoqarsinnaanera Greenpeacemit eqqarsaatigineqarsimanngilaq. Misileraanerit aamma kinguartinneqartariaqarsimapput, aamma suliap ukiuni sisamani suliarineqarnera naliliinermut ilaatinneqarpoq, politiit unnerluussisuunerat Morten Nielsen tusagassiuutinut nalunaarummi oqarpoq.