Punktum

Greenpeace-mit akerliuniaq kingulleq Ruslandimit aallarpoq

Avatangiisinik illersuiniat nunat allamiut 26-t, tamatumani ilaallluni qallunaaq 26-nik ukiulik, tamarmik Ruslandimit aallareerput

p umiarsuaa Arctic Sunrise Mumanskimut kalinneqarpoq, tassanilu akerliuniat 30-t parnaarunneqarput imaani ujajaasutut kingornalu perulluliortutut unnerluutigineqarlutik. Greenpeace

Greenpeacemit avatangiisinik illersuiniat nunanit allaneersut 26-t kingullersaat polenimiu Tomasz Dziemianczuk sapaatiummat Ruslandimit aallarpoq. Taamatut illersuiniaqatigiiffik tusagassiorfinnut nalunaarutikkut paasissutissiivoq.
Taamaasilluni oqaluttuaq qaammatinik sisamanik sivisussusilik tamaanga killeqarpoq, tassani aamma qallunaaq 26-nik ukiulik akerliuniat 30-t, Det Arktiske Hav-imi akerliuniartillutik russit isumannaatsuunermut sakkutuuinit tigusarineqartut, ilagalugu.
Tassani Greenpeacemit akerliuniat 30-t, ilaatigut russit sisamat, tigusarineqarput uuliamik qillerivimmut ikiniaraluarnerminni.
Aamma atuaruk: Gazprom Issittumi uuliamik tunisassiulerpoq
Tallimanngormat qallunaaq Greenpeacemit akerliuniaq Anne Mie Roer Jensen Københavns Lufthavnimut tikippoq qaammatit pingasut sinnerlugit Ruslandimi parnaarussaaqqareerluni.
Sapaatip akunnerani siusinnerusukkut russit saammaassipput, unnerluussutit tamarmik taamaatiinnarneqarput, naggataatigullu aamma aallarnissamut akuersissutit tunniunneqarlutik. Issittumi Gazprom-ip qilleriviani Prirazlomnaya-mi akerliuniat katillugit 30-t septembarip 18-ianni russit sakkutuuinit immikkut sungiusakkanit sakkulinnit tigusarineqarput.
Ullut 63-it parnaarussaaqqareersimalluni Anne Mie Roer Jensen novembarip 21-ianni qularnaveeqqusiilluni iperarneqarpoq, Skt. Petersborgimilli aallarsinnaanani.
Russit inatsisartuisa decembarip 18-ianni tigusat 30-t tamaasa isumakkeerfigaat, pappialanillu sulingaatsiarnerup kingorna nunat allamiut 26-t tamarmik saammaanneqartut Ruslandimit aallareerput.

Powered by Labrador CMS