attaveqaatit
GreenlandCopter aallartippoq
GreenlandCopter-ip timmisartuussinermini Tunu, pingaartumillu Tasiilaq, sammissavai
Selskabi helikopterinik ingerlatsivik kalaaliinnavinnik pigineqartoq siulleq aallartinneqarpoq.
– Selskabi helikopteriutileqatigiifcfik GreenlandCopter A/S-ip aallarteqqammersup aallaqqaammut Tasiilaq eqqaalu timmisartuussivigisassavai, helikopterimik nutaarluinnarmik Eurocopter as350 83e-mik, pisortaq timmisartortartorlu Tim Nicolaisen oqarpoq.
Helikopteri nutaaq Tasiilamut, helikopterinik ingerlatseqatigiiffiup nutaap aallaavigisassaanut, tikeqqammerpoq. Selskabi ingerlatsivoq akuersissut pissarsiani AOC, AirOperatior Certificate, atorlugu, taannalu Nunatsinni selskabinit marluinnarnit pigineqarpoq. Tassa Air Greenlandimit maannalu Tasiilami GreenlandCopter-imit.
– Nammineq AOC-mik peqalernissarput Tasiilamilu helikopterimik inissisimatitsilernissarput ukiuni marlunni anguniarsimavarput. Misigisaq nalissaqanngilaq nuannaarnaqalunilu, upperinnilersitsivorlu sammisaqarfipput suli ineriartorsinnaasoq, takornariaqarneq eqqarsaatigiinnarnagu inuussutissarsiornermilli suliniutit allat aamma eqqarsaatigalugit, minnerunngitsumillu Air Greenlandimik suleqateqalerluni, accountable manager aamma Flight Operations Manager Tim Nicolaisen oqarpoq.