Greenland Express

Greenland Express qangattarpoq

Timmisartortitseqatigiiffik oqallisaaqisoq Greenland Express marlunngornermi Narsarsuarmut tikissaaq

Greenland Express suleqatinilu Hollandimi timmisartortitseqatigiiffik Denim Air Danmarkip Nunattalu akornanni timmisartuusserngaarpoq

Akikitsumik timmisartortitseqatigiiffik Greenland Express siullerpaamik timmisartuussilluni Københavnip mittarfianiit Reykjavikimut marlunngornermi ingerlaarpoq tassanngaanniillu Narsarsuarmut ingerlaqqissalluni.

Atuaruk: Gert Brask: Angallasserngaarnissamut piareerpugut

Greenland Express Aalborgip mittarfianiit Danmarkimi nalunaaqutaq 08.00 Københavniliarluni aallarpoq.

Greenland Expressimik piginnittoq Gert Brask timmisartullu inuttai ilaasunut tikilluaqqusereermata Københavnip mittarfianiit nalunaaqutaq 09.30 qangattarput Reykjavikimut ingerlaarlutik tassanngaanniillu Nunatsinni nalunaaqutaq malillugu 14.00 qangattassapput Narsarsuarmut ingerlaarlutik marlunngornermilu aamma Reykjavikimut uteriassallutik.

Atuaruk: Greenland Express Islandermiut suliffeqarfiannit aqunneqalerpoq

Greenland Expressip timmisartuusseqqaarnissaa arlaleriarluni kinguartinneqartarsimavoq kingullermillu juunip aappaani timmisartuusseqqaartussaasimagaluarluni.

Timmisartuusseqqaarnermi Sermitsiaq.AG-mi tusagassiortoq ilaavoq timmisartuusseqqaarneq assiliiffigalugulu allaaserissallugu.

Powered by Labrador CMS