Greenland Express Air
Greenland Express Air uniinnartoq
Kalaallit Nunaannit timmisartup tallimanngorpat ingerlanneqassasoq Denim Air ACMI-mit oqaatigineqarpoq
Timmisartoq Aalborgimit Københavniliariarluni, Keflavikkikkut Kangerlussuliartussaagaluaq ullumi ingerlanneqartussaagaluartoq uniinnarpoq.
Greenland Express Airip timmisartua piffissaq naapertorlugu nalunaaqutaq 8.00 Aalborgimit Københavniliarluni aallarpoq, Keflavikkikkoorlunilu Kangerlussualiarluni. Aatsaalli aqagu tallimanngorpat timmisartoq utissasoq Denim Air ACMI-mit oqaatigineqarpoq.
- Ilaasussat Greenland Express Airimit nalunaarfigineqassapput. Pisoq Denim Air ACMI-mit aqunneqanngilaq. Timmisartup uteriarnissaa aatsaat tallimanngorpat pisussaanera Greenland Express Airimit nalunaarutigineqarsimanngippat eqqumiiginassaaq. Timmisartuutileqatigiiffiup ilaasussat kiffartuutissagaat naatsorsuutigaarput, timmisartuutileqatigiiffimmut allamut inniminniisoqassaaq ilaasussalluunniit unnuitinneqassapput, nerinissaat aammalu tallimanngorpat timmisartumut isissutissaannik tunineqassapput. Timmisartoq nalunaaqutaq 10.05 Islandiliarluni aallassaaq, Ronald Janssen oqarpoq.
Sooq timmisartoq unitsiinnarneqarsimanersoq Greenland Express Air nassuiaataanik Sermitsiaq.AG pissarsiniarsarivoq.