Greenland Express Air
Greenland Express Air ima aamma aningaasarsiorniarpoq
Greenland Express Air timmisartuutini aamma attartortittarniarpaa
Timmisartuutileqatigiiffik Greenland Express Air juunip aappaanit Nunatsinnut, Danmarkimut Islandimullu angallassisalissaaq. Timmisartoq aamma attartorneqarsinnaasoq periarfissaalersippaat.
Timmisartoq Fokker 100-p atorluarneqarnissaa taamaasilluni anguneqassalluni.
- Denim Air ACMI-mik isumaqatigiissuteqarnitsinni timmisartumik ataatsimik sillimmateqarpugut. Tamanna pisariaqarluinnarpoq, atortunimmi timmisartoq pissamaateqartariaqarmat. Nunani issittuni timmisartuussinerni sillimalluarnissaq piumasaqaatigineqartunut ilaasarpoq, timmisartuutileqatigiiffimmi pisortaq Gert Brask tusagassiutinut nalunaaruteqarpoq.
Attartortinneqarsinnaasoq
- Timmisartoq atorneqartoq ingerlalluariarpat timmisartoq sillimmataasoq timmisartuutileqartigiiffinnut atorfissaqartitsisunut allanut attartortissinnaavarput, Gert Brask oqarpoq.
Timmisartoq Fokker 100 europa tamakkerlugu atorneqartuuvoq, Islandimit nunanut kiattunut soorlu Grækenlandimut, Skandinaviamut Afrikalluunniit avannaanut atorneqartarluni. Timmisartup ilua nutartingaatsiaqqammerpoq.
Timmisartuutileqatigiiffiup timmisartoq Fokker-100 inunnik 100-nit ilaasoqarsinnaasoq Denim Airimit attartorpaa, pilersaarutillu malillugit juunip aappaani angallassineq aallartinneqassaaq. Aalborg, København, Keflavik, Kangerlussuaq aamma Narsarsuaq timmisartuussiffigineqartassaput.
Greenland Express Airip timmisartoq attartugaa 1995-meersuuvoq, ukiunilu pingasuni tulliuttuni attartussallugu.
Assit marluk ataani takukkit