Qaqortoq
Great Greenlandimi paarlaanneq
Qaqortumi ammerivimmi Ditte Sorknæs pisortap issiavianut ingippoq
Pingasunngornermi februaarip qulinganni Great Greenlandimi paarlaattoqaproq, tassani ammerivimmi Namminersorlutik Oqartussanit pigineqartumi pisortaq nutaaq, Ditte Sorknæs, Lars Berg taarserlugu pisortanngorpoq.
Isumaqatigiittut
Taanna novembarimi 2011-mi atorfinippoq, siulersuisunillu isumaqateqarnermigut tunuarpoq.
Atuaruk: Great Greenlandip pisortaa soraarpoq
Ilisimasaqarluartoq
Ditte Sorknæs amermik niuernermik tunngasunik ilisimasaqarluarpoq, amernik akitsorterussisarfimmi Danmarkimi Kopenhagen Furimi 2005-imit 2015-imut sulinikuugami, kingullermik nittarsaassinermut pisortatut.
Taassuma saniatigut Great Greenlandimi ataatsimeersuartoqarnerani 2015-imi siulersuisunut qinigaavoq. Pisortatut atorfininnissami tungaanut tassani ilaasortaavoq.
Great Greenlandip akitsorterutsitsisarfik ukiuni arlalinni annerpaatut suleqatiginikuuaa.
Atuaruk: Great Greenlandip unammillernini taamaatippaa mersortarfillu matullugu