EU
Great Greenland: EU-mut ilaasortaaneq puisit amiinut iluaqutaasimassagaluarpoq
Kalaallit Nunaat ilaasortaasimasuuppat pikkorissumik sunniuteqarniarnikkut EU-p puisit amiisa eqqussorneqarnerannik peqqussutaa, Kalaallit Nunaanni piniartunut akisusimaqisoq, unitsinneqarsinnaasimassagaluarpoq imaluunniit pitsaanerutinneqarsimassagaluarluni, pisortaq Ditte Sorknæs isumaqarpoq
Puisit amiinik avammut tuniniaaneq ullumikkut pitsaanerujussuussagaluarpoq, Kalaallit Nunaat EU-mut ilaasortaasimasuuppat avataaniinnani.
Taamatut isumaqarpoq Great Greenlandip pisortaa Ditte Sorknæs, taassumalu GE-p siulersuisuini siulittaasoq Henrik Leth, Demokraatillu siulittaasuata tullia Justus Hansen, assigalugit ilaasortanngoqqinnissamik oqallinneq tikilluaqquvaa.
Kinguariaataasoq
– 2009-mi puisit amiinik eqqusseqqusiunnarneq siulleq takkummat, Kalaallit Nunaat EU-mut ilaasortaasimasuuguni siusinnerujussuakkut akuleruttoqarsimasinnaagaluarpoq. Ilaasortaasimasuugutta takorloorsinnaavara inatsit unitsinneqarsimasinnaagaluartoq, Great Greenlandip pisortaa oqarpoq.
– Taarsiullugu kinguariaataasumik Inunnut immikkut akuersissummik pivugut, inatsilli tamarmi uagutsinnut akisoorujussuusimavoq - inuttut aningaasarsiornikkullu.
Ditte Sorknæs naapertorlugu puisinut amiinullu peqqussutip taama ajornanngitsigisumik akuersissutigineqarneranut pissutaasimavoq Norge aammalu Kalaallit Nunaat, marluullutik puisinniarnermik ingerlatsisuusut, suliap ingerlanneqarneranut toqqaannartumik siunniuteqarsinnaasimannginnerat.
Allaaserisaq tamaat AG-mi sapaatip akunnerani saqqummersumi atuaruk. Aviisi aamma uani pisiarisinnaavat: