data

Googlep neriorsuutigaa atuisut toqqortaatitik piivissinnaagaat

Androidinik oqarasuaatinik atuisartut ingerlaarfii katersorneqarlutillu toqqorneqartarput. Atuisartulli piiasinnaasut, Googlep oqaatigaa.

Androidinik oqarasuaatinik atuisartut ingerlaarfii katersorneqarlutillu toqqorneqartarput. Atuisartulli piiasinnaasut, p oqaatigaa. Google

Danskit milliuunilikkaat nunarsuarmiulli milliardikkaat minutsit tamarluinnaasa summinnertik Google-mut 'oqaluttuarisarpaat'. Googleminngaanniillu tamarmik toqqorneqartarput.

Assersuutigalugu Danmarkip teleselskabit toqqarsimasaanni atuisut paasissutissaataannik toqqorterisoqassanngitsoq Googleminngaanniit toqqorterneqartartut, suliaqaqatigiit atuagassiaat Ingeniøren taama allaaserinnippoq.

Atuisut sumiissusersiuutip atornissaa nammineq aalajangertarpaat atorneqarsimagunilu peerneqarsinnaasut, Googlep oqaatigaa. Suliffeqarfiulli atuisut paasissutissaataannik sillimajuassapput naalakkersuisunilluunniit malersorneqaraluarunik.

- Paasissutissat mianernartuunerat akueralugillu ataqqivagut. Taamaammat atuisut nammineerlutik aalajagingassaraat sumiissusersiutip paasissutissanullu atortut atussanerlugit, Stephan Micklitz Googleminngaannersoq, Ritzaumut taama oqarpoq.

Stephan Micklitz chefingeniøriuvoq *Min Kontomut' kiffartuussinermut akisussaasuuvoq, tassani atuisut suliffiup avataatigut inuunertik sillimaniarnermullu iluarsiissutaasartut nammineerlutik aaqqissuussinnaasarpaat.

Atuisulli sumiissusersiummut toqqorterisinnaaneq marlunngorlugit avinneqarsimasumi nammineerlutik akuersissuteqassanerlutik aalajagertarpaat. Siullermi oqarasuaatip sumiissuserfigineqarsinnaavoq, aappaanilu paasissutissat toqqorterneqarsinnaanerannut akuersissutaalluni.

- Atuisut qaqugukkulluunniit paasissutissat takusinnaallugillu peerneqarsinnaapput. Peerneqavissasullu, Stephan Micklitzi qularnaveeqqusiivoq nagillunilu:

- Peerneqarnissaata tugaannaanut toqqorneqarallartarput. Peerneqarnissaat sivisulaasinnaasarpoq paasissutissammi serverini assigiinngitsuni toqqorterneqartaramik. Kisianni peerneqaraagamik takuneqaqqissiinaajunnaartarlutik.

- Assersuutigalugu oqartussat paasissutissanik ilinnut tunngasunik perusussagaluarpata tunisinnaanngilagut. Peerneqarsimasummi takuneqarsinnaajunnaartaramik, Googlep ingeniøria taama oqarpoq.

Googlep app-siutai kiffartuussinerilu immikkoorput, programmillu sumiissusersiutitallit programmiliortartunit allanit sanaarineqartartut allaapput.

Androidinik atuisartut app-sit sorliit akuersissutigisimanerlugit nammineerlutik takusinnaavaat, akuersissutigineqarsimasulli akuersissutaat atorunnaarsinneqarsinnaapput.

- App-it arlaannut akuersissuteqarsimaguit Google serveriannut toqqorterneqaratik appsinik sanaarinnissimasut serveriannut toqqorterneqartarput.

- Google Playimi appsit aaneqarsinnaasut misissugaraagut, eqqunngitsumillu iliuuseqartut peerneqartarlutik, Stephan Micklitz oqarpoq.

- Googleminngaanniillu akuersissutit sumut tunniunneqartarnissaat sillimaffigeqquneqarpoq.

- Appsinut akuersissuteqartarneq mianersuutassaavoq, atuisartulli taama isiortarput.

- Ilisarisimasamma eqqumaffigisarpaat appsit sumiissusersiutitallit sorliit akuersissuteqarfigissanerlugit.

- Assersuutigalugu app-eq qaammartartoq sumiissusersiutitalik paasissutissanik aallernissaamut akuersissummik perusuttoq itigartinneqassaaq, soormi qaammartartoq sumiissusersiutitalik akuersissummik tunineqassava?, Stephan Micklitz taama naggasiivoq.

/ritzau/

Powered by Labrador CMS