Nutserineq
Google Translate kalaallisut
Namminersorlutik Oqartussat nutserinermut aningaasartuutaannik piffissap ingerlanerani killiliisinnaasup maskiinap nutserutip ineriartortinnissaanut millionilippassuit immikkoortinneqarput
Maskiinap nutserutip programmitaata ineriartortinnissaanut Naalakkkersuisut 10 millionit koruuninik aningaasaliisut Ilinniartitaanermut Naalakkersuisoq Doris Jakobsen (Siumut) paasissutissiivoq.
Programmip nutserinermut aningaasartuutinik piffissap ingerlanerani annikillisaanissaa pilersaarutaavoq.
AG taama allaaserinnippoq.
- Ingerlaleruni inuiaqatigiit aningaasarpassuarnik sipaartissinnaagai isumaqarpugut, Namminersorlutik Oqartussat Oqaasileriffiani siunnersortit pisortaat, Per Langgård, Naalakkersuisut suliamik ineriartortitsinissaannut aningaasaliissutinik tigusisoq oqarpoq.
Ukiut tallimat piffissaritinneqarallarput
Nutserisarnera Google Translate-mut assigussasoq teknikkikkulli annertuumik allaanerussuteqarluni Per Langgård oqarpoq.
- Google Translate oqaatsit atorneqartut tunngavigalugit ingerlavoq. Programmi ilisarinnissinnaavoq oqaatsillu, soorlu 100 millionillit, sukkaqisumik ujarlerfigisinnaallugit inerneratalu ilimanassusaa tunngavigalugu nutserisarluni. Uagut maskiinarput taama pineq ajorpoq qarasaasialli atorlugit eqqarsaatersuutissanik paasiniaasarluni. Oqaaseqatigiit pissusaat tunngavigalugu sulisarpoq allanneqarsimasut tunngaviginagit, kalaallimmi oqaasii ima sanaapput statistikkit atorsinnaanani, Per Langgård nassuiaavoq.
Allaaserisaq tamakkerlugu AG-mi atuarsinnaavaat, aviisi pisiniarfinni pisiassaalereerpoq. Periarfissaqarputilli aviisip uani pisiarinissaanut: