Island Games
Golfertartut kingulllikunngunngillat
Kalaallit golfertartut Island Gamesimim kingullikunngornissat pinaveersaarniartussaavaat - tamannalu iluatsillugu
Nunarput Island Gamesimi golferluni unammiuaarnernut aappassaa peqataatitaqarpoq, taamaalillutillu peqataasut pingasut unammiuaarnersuarnut annertunerusumik naatsorsuutigisaqaratik.
Sapinngisamik qaffasinnerpaamik inissinnissaq kiisalu kingullikunngunnginnissaq kingulliulluunniit tulliatut inissinnginnissaq anguniagaraat.
Lars-Karl Johansson ataasiakkaarnermi peqataasut 76-it akornanni kingulliit arfineq-aappaattut inissippoq. Normu 70-inngorpoq, Rasmus Ryvold normu 68-inngortoq, Jan Rasmussenilu normu 66-inngorluni.
Iligiiaarlunili unamminermi kingulliit tulliattut inissipput, peqataasunit 20-nit normu 19-itut inissikkamik
Island Games ullumi tallimanngornermi naggataarnersiorneqarpoq.
Island Games 2015 pillugu allaaserisat tamaasa matumani atuakkit