assit takukkit:
GOG suli EHF Cupimiippoq
Naak arfininngormat franskit unammisartut Saint-Raphäelikkut ajorsarfigigaluarlugit GOG-kkut kvartfinalimut europami pissartanngorniuteqataanissarsuarmut peqataanissaminnut suli periarfissaqarput
28-32-mut franskinut pikkorissunut unamminerminni ajorsarput. Tupaallannartumilli GOG franskit illoqarfiisa ilaanni ajugaapput. Maannalu unamminermi EHF Cuppenimik taasami kvartfinalertoqarnissaanut kikkut unammeqataassanersut paasinnginnerini ataasiarlutik unammeqqittussanngorput. GOG-mit Füchse Berlinikkut ingerlaqqinnissartik qulakkeerpaat. Füchse Berlin unamminermi kingullermi Saint-Raphäel unammissavaat. GOG-kkut slovakiamiut RD Ribnica unammissavaat. GOG-kkut ingerlaqqissagunik RD Ribnicakkut ajugaaffigisariaqassavaat kiisalu Füchse Berlinikkut Saint Raphäelimut ajugaasariaqassallutik.
Unammeriaaseq
Saint-Raphaelikkut nunat assigiinngitsut akornanni unammisartuupput, taakkulu franskit ligaanni unammisartunut pikkorissunut ilaapput. Unamminerup aallartinnerani takuneqarsinnaalluarpoq GOG-kkut sukkanerat franskinit tupaallaatigineqanngitsoq. Ilisimalluarpasippaammi. 5-5, 6-9, 11-11.
Unillatsiarnerup kingorna nunanut allanut unammisartut måliniittuat Frank Mikkelsen isertinneqarpoq. Tamanna silatusaarneruvoq. Siornatigummi Frank Mikkelsen isertinneqaraangami takutitsilluartarpoq. Unitsiarnermi inernerit tassaapput 15-17.
Unamminermi kingullermi franskit 24-24-mik naligiinnissamik tungaanut målialunnik siuaqqapput, GOG Arenamilu isiginnaartut 1024-iusut nippariataarput. Unamminerullu naammassinissaanut minutsit quliinnanngortut målit ima nikingatigilerput: 26-25. Ajugaanngitsoorpulli. Arsartut qasupput kukkusaqattaalerlutillu. Saint-Raphäelikkunnili arsaqataasut nukittunerumaarput. 0-7-mik ajugaapput naggataatigullu 28-32-mik ajugaallutik.
Ikinngutitoqqat unammillugit
Saint- Raphäelimut unammineq sungiusaasuunermut Jakob Larsenimut immikkut ittumik misigisaavoq. Jakob Larsen 2004-miit 2006-mut piffinni marlunni Saint-Raphäelimi unammeqataasarsimavoq. Ilaatigut maanna sungiusaasooqataasoq rumaaniamioq Rares Fortuneanu unammeqatigisarsimallugu.
-26-25-mik ajugaavugut piffissallu ilaani 7-0-mik ajorsarluta, tamannalu pillaatisiaraarput. Taamaammat franskit ajugaanerat ajorisassaanngilaq, Jakob Larsen unammereernerup kingorna Sermitsiaq.AG-mut oqarpoq nangillunilu:
-Naak unamminerit marluk målinik sisamanik ajugaaffiugaluartut naatsorsuinerit malillugit angusarissaarneruvugut, tassami udebanernermi Saint-Raphäelikkunnut sanilliulluta isertitsinerugatta. Kvartfinalinut anngutissagutta sukataartariaqarpugut, Jakob Larsen naggasiivoq.