allagaatinik takunnissinnaatitaaneq
GME-p suliniutaanut avatangiisinut sunniutinut nalunaarusiaq AG-mit takoqqusaanngitsoq
Greenland Minerals and Energymit avatangiisinut sunniutaasussat pillugit atortussat paasiniarneratoktobarimili piumaneqartoq maannamut itigartinneqartarsimavoq aatsitassarsiortup akerliuneraniktunngaveqartumik. AG-p aalajangiineq maalaarutigaa
Narsap eqqaani aatsitassanik qaqutigoortunik Greenland Minerals and Energyp (GME) suliniutaa pillugu oqallinnermi innuttaasut ilisimasanik tigussaasunik suli pissarsisinnaanngillat.
DR aamma AG suliniutip avatangiisinut sunniutissaannik atortussaasa takusinnaanissaat siorna ukiakkulli qinnuteqartarsimasut Aatsitassat pillugit avatangiisinut aqutsisoqarfimmit itigartinneqarput, naak oktobarimi 2016-imi atortussat tunniunneqarsinnaasut nalilerneqaraluartoq.
Taamatut aalajangiisoqarnera taamanikkut GME-p Nalaakkersuisunut maalaarutigaa, taakkulu aqutsisoqarfiup aalajangiinera taamaatippaa suliarlu naliliiffigeqqeqqullugu.
Kinguartinneqaqattaartoq
Kingorna kinguarteqattaarneqarpoq GME’p allakkiat ataasiakkaat tusarniaassutigeqattaarai. Suliffeqarfiullu akerliliinera kinguneqarsimagunarpoq.
Aqutsisoqarfiup nalilersimavaa minnerpaamik allakkiat ilaat tunniunneqarsinnaasut, pingasunngormalli sapaatit akunnerani kingullermi ima pisoqarpoq isumanni allanngortissimallugu.
Suliarinerani qaammatit tallimangajaat ingerlareersut suliap kinguneraa allakkiaq inatsisitigut tunngavilersuinermik ulikkaartoq arfineq pingasunik quppernilik sooq itigartitsinissaq pillugu tunngavilersuinerulluni.
Aalajangiineq pillugu maalaaruteqarneq
AG aalajangiineq pillugu Aatsitassanut tunngatillugu avatangiisinut aqutsisoqarfimmut maalaarniarpoq.
Allaaserisaq tamaat ullumikkut AG-mi saqqummertumi atuaruk. Pisartagaqaruit uani ataani iserfigisinnaavat, taamaanngippat akiliillutit iserfigisinnaavat.