aatsitassarsiorneq
GME-p siunissaq qinersinerup kingorna qaamasutut isigaa
Ingerlatseqatigiiffimmi Narsap eqqaani uranimik aatsitassanillu qaqutigoortunik piiaaniartumi ukiut marluk sinnilaarlugit qaangiuppata aatsitassarsiorfiliortoqalersinnaasoq oqaatigineqarpoq
Qinerseqqammernermi Siumut pissaaneqaqqilermat taamaalillutillu kalaallit uranimik piiaanissamut akuerseqqimmata imaanngilaq Narsap eqqaani uranimik, nikkelimik aatsitassanillu qaqutigoortunik ullumikkut aqaguluunniit piiaaffiliortoqalissasoq. Kisianni Greenland Minerals and Energy (GME) manna tikillugu aatsaat taama suliaqartigilersinnaavoq suliniullu inaarutaasumik titartarsinnaalerlugu, atorsinnaasumik ingerlatsinissamik pilersaarusiorsinnaalerluni, aningaasaliisartut siornatigumut sanilliullugu pisussaaffeqartinnerulersinnaalerlugit aamma piiaanissamut akuersissummik qinnuteqaativimmik tunniussisinnaalerluni.
Taamatut GME-mi pisortaq John Mair Naalakkersuisut sapaatip akunnerata matuma siuliani ataaseq pingaarnerutillugu isumaqatigiissutigalugu pilersinneqarmata AG-kkut oqarpoq: Aatsitassat piiarneqartut uranitaqanngilluinnarnissaannik politikki atorunnaavissorpoq aamma GME-mi suliniut nangeqqinneqarsinnaalerpoq.
Allaaserineqartoq tamaat Tamanut Kujataanimi atuarneqarsinnaavoq, aviisimi Kommuni Kujallermi pisartut assigiinngitsut allat aamma atuarneqarsinnaapput. Aviisi akeqanngitsumik ataani aaneqarsinnaavoq: