aatsitassat

GME annertuumik taarsiiffigeqqusinnaava?

Urani pillugu oqallinnerup sakkortusinerata nalaani, GME Narsami aatsitassarsiorfissamut annertuumik aningaasaliinerminit isertitaqalernissani suli utaqqivaa.Uranisiorfiit inerteqqutigineqassappata suliffeqarfik qanoq pissava?

Narsap eqqaani aatsitassarsiornissamut akuerineqanngileraluarunik, Namminersorlutik Oqartussanit taarsiiffigitinnissamik piumasaqarsinnaappat? GME

Australiamiut suliffeqarfiata Greenland Minerals and Energy (GME) Kuannersuarni aatsitassarsiorfimmit aatsitassanik qaqutigoortunik, zinkimik uranimillu qalluinissaminut piareersaasiornermi 400 million koruunit sinnerlugit atorpai.

Suliffeqarfilli – ilimagineqartut akimorlugit – qalluinissamut akuersissummik pissarsinngitsoorpat, inuilluunniit urani pillugu taasisinneqarnerisigut, naaggaatoqarneratigullu pilersaarutit unitsinneqassappata qanoq pisoqassava? Australiamiut naalakkersuisunik eqqartuussivimmut tunniussisinnaappat, aningaasarpassuarnillu taarsiivigineqarnissaminnut piumasaqarlutik?

Atuaruk: Demokraatit naqissusiipput: Urani pillugu innuttaasunik taasisitsisoqassanngilaq

Taarsiiffigeqqusinnaasut
Aap, taamaaliorsinnaapput. Ajugaasinnaanersulli qularnarpoq.

Københavnip Universitetianmi professori Peter Pagh, naalagaaffeqatigiinni pineqartumi ilisimasaqarnerpaatut naatsorsuunneqartup naliliigallarnera taamak pineqarpoq. Taanna ukiuni arlertuni avatangiisit pillugit inatsisinik immikkut ilisimatusarpoq.

Atuaruk: Innuttaasut taasitinneqarnissaannut amerlanerussuteqartut

- Ujarlernissamut akuersissuteqaraanni tamatigut qalluinissamut akuersissummik tunisisoqarneq ajorpoq. Siulleq siulliullugu isummerfigineqariarluni kingorna tullia isummerfigineqartarpoq, inatsit taamaatut aaqqissuullugu sanaajuvoq. Suliffeqarfiullu pineqartup suliniummik aallartitsinerminni tamanna eqqummaariffigisimassavaat, taanna AG-mut oqarpoq, imalu nangippoq:

- Suliffeqarfilli qalluinissamut akuersissummik tunineqarpat, taava taassuma taarsiiviginninnissamik akisussaanermik atortuulersitsisinnaanerata annertuumik ilimanaateqarnera qularnarunnaassaaq.

Atuaruk: Aatsitassanut naalakkersuisunngorlaaq: Innuttaasut taasitinneqarnissaat puiguinnarsiuk

Peter Paghsip akissutaa tamaat aamma tamanna pillugu Inuit Ataqatigiit isumaat AG-imi sapaatip-akunnerani saqqummertuni atuaruk, taanna ullumikkut pisiniarfinniilereerpoq. Aviisi aamma uani pisiarisinnaavat:

Powered by Labrador CMS