Sangusaarneq
GM: NS-84 sangusaarnermi kuultinnannerpaasoq
Nuummi sangusaartartut NS-84 peqataasunit tamanit kuultinnannersaajuvoq. Super G-mi, sangusaarnermi sangusaapiloornermilu angusat takukkit
Naak apivallaarnera pissutigalugu sangusaarluni GM-it kinguaattooraluartut Nuummi poorskikkunni unammersuarnerit ingerlanneqarput.
Malik Holm NS-84-imeersoq Super G-mi sangusaapiloornermilu angutini 21-nit 30-nut ukiulinni pissartanngorpoq.
Nuunu Chemnitz Berthelsen aamma NS-84-imeersoq unammeriaatsini taakkunani arnani 21-nit 30-nut ukiulinni pissartanngorpoq. Sangusaarnermi aamma pissartanngorpoq. Sangusaarnermi unammeqataasuni tamani sukkanersaajuvoq. 17-nik ukiulik Norgemi sangusaarnermik sungiusartarpoq, aamma Norgemi pissartanngorniunnerni sukkanerit 30-it akornaniilluni. World Cup-imi peqataasalernissani anguniarpaa, siunissamilu OL-eqataanissani aamma anguniassallugu.
Nukajaraq Olsen QSAP Qaqortumeersoq angutit 21-it 30-llu akornanni sangusaarneranni pissartanngorpoq.
Krister Støvlbæk SSP Sisimiuneersoq unammiffimmini unammeriaatsini tamani pissartanngorpoq. Sangusaapiloornermi Super-G-milu tamanit sukkanersaalluni.
Amerlasuut allat aamma sammineqarsinnaagaluarput.
Angusaasut talerpiata tungaani aaneqarsinnaapput
Timersoqatigiiffiit ujaminnanneri ima inissipput:
Klub Kuultit Sølvit Bronzet
NS-84 39 33 19 91
SSP 38 23 25 86
MS89 9 12 16 37
DSP 2 15 6 23
KSK 4 3 1 8
QSAP 2 0 1 3