Nuummi assammik arsarnermi GM
GM: Ajugaarujussuarnerit marluk tupaallannartumillu ajugaasoqartoq
Assammik arsarnermi Kalaallit Nunaanni pissartanngorniunnermi sisamanngornermi unammisussat pissanganarsinnaapput. Angusat takukkit
Aasiannit Norsaq HC-ip angutitai NÛK-mut assammik arsarnermi pissartanngorniunnermi akiuulluarput.
Unamminerminnimi muminnermi NÛK 8-11-mik siuaqqagaluarpoq, taamaakkaluartorli Aasiammiut takutitsilluarput unamminermilu 22-18-mik ajugaallutik. Norsaq HC pissanganartumik sisamanngornermi unammeqqissaaq, tassani Nagdlúnguak' Ilulissaneersoq naapissavaat.
Unamminermi Norsaq HC ajugaasinnaassaguni pissartanngorniunnissamut sapaatiuppat ingerlanneqartussamut annguterataannaavoq.
GSS-ikkut ajugaarujorujussuartut
Pissartanngorniunnermi aaqqissuisuusut GSS angutitai arnartaallu pisassaanngillat. Sulimi ajorsartinneqanngillat, pingasunngornermilu aamma unammigamik qularnanngivissumik ajugaapput. GSS-ip arnartai Norsaq HC-mut unamminerminni 49-9-mik ajugaapput. Angutitaalli pitsaanerusumik angusaqarput.
Tassami Narsarmiunut N-85-imut unamminermi 58-11-mik GSS ajugaavoq.
Inissinniunnerit pissartanngorniunnerillu sapaatiuppat ingerlanneqassapput.
Pingasunngornermi angusat:
Angutit:
- N-85 - SAK: 21-46 unammilluarnerpaaq: Aqqa Lukas Lings, SAK
- Nagdlúnguak' - QNQ: 39-24 unammilluarnerpaaq: Suersaq Nathanielsen, N-48
- Norsaq HC - NÛK: 22-18 unammilluarnerpaaq: Muusaarannguaq O.-Søholm
- N-85 - GSS: 11-58 unammilluarnerpaaq: Eqalunnguaq Kristiansen, GSS
Arnat:
- Kâgssagssuk - SAK: 25-32 unammilluarnerpaaq Nini Mølgaard, SAK
- NÛK - Nagdlúnguak': 32-17 unammilluarnerpaaq: Christina Lange, NÛK
- GSS - Norsaq HC: 49-9 unammilluarnerpaaq: Najaaja Lyberh, GSS
Sisamanngornermi unammisussat:
Angutit:
- Kl.14.30: Nagdlúnguak' - Norsaq HC
- Kl.17.30: QNQ - GSS
- Kl. 20.30: NÛK - SAK
Arnat:
- Kl. 13.00: Kâgssagssuk - Nagdlúnguak ́
- Kl. 16.00: NÛK - Norsaq HC
- Kl. 19.00: GSS - SAK