Arctic Winter Games

GIF-ip AWG 2016 naatsorsuuteqarluarfigilluarpaa

Kalaallit Nunaanni Timersoqatigiit Kattuffiata timersornikkut aaqqissuinissat aappaagu ingerlanneqartussat naatsorsuuteqarluarfigai. Nunatsinni pissartanngorniuttoqarlunilu Arctic Winter Games 2016 Nuummi ingerlanneqassaaq

-imi siulittaasoq Nuka Kleemann GIF

Kalaallit Nunaanni timersornikkut pissartanngorniunnerit assigiinngitsut marsimi poorskikkunnilu ingerlanneqarput ukioq manna. Aappaagu aamma pissartanngorniuttoqassaaq, kiisalu Arctic Winter Games 2016 aamma Nuummi ingerlanneqassalluni.

Kalaallit Nunaani Timersoqatigiit Kattuffiata siulersuisui allattoqarfillu aamma AWG 2016 allattoqarfik AWG 2016 aqutsisui siulittaaasorlu killiffik pillugu ataatsimiipput. Tamanna siornatigut isumaqatigiissummut attuumassuteqarneranut katuffiit marluk akunnerminni tunngavoq.

- Pingaaruteqarluinnarpoq inuussuttut timersortartut ajunngitsumik misigisaqartinnissai. Taamaammallu Kalaallit Nunaani Timersoqatigiit Kattuffiata pingaartilluinnaarpaa peqataasut tamarmik kammalaatigiinneq, pissuserissaarneq ataqqeqatigiinnerlu misigissagaat, timersornermikkut aamma unamiffiup avataani, timersortartut kattuffianni siulittaasoq Nuka Kleemann tusagassiutinut nalunaarummi oqarpoq.

AWG aallarnisaaqataassaaq
Aputisiutit (snesko), paaneq, taavalu biathlon (oqaattaasarneq) ilaatigut Arctic WInter Gamesimi unammissutigineqassapput.

- Tamakkulu timersuuttit siunissami nunatsinni takujussanerpagut? Ilami kiap ilisimassavaa siunissami issittumi unammiunaarnerni aputisiutinik arpannermi nunarput siuttuulerumaartoq? kattuffimmi siulittaasoq aperaaq.

- Timersortartut misigisaqarluarumaarput, Kalaallit Nunaani Timersoqatigiit Kattuffiata issittumik unamersuarneq inuussutut timersortartut siunissami timersortartutut ingerlariaqqinnissaminnut atorluarumaat.

Powered by Labrador CMS