Ikuallannerup kingorna
GH Data ikuallanneq pillugu oqaaseqarusunngilaq
Ilulissani GH Datamik piginnittoq, ataasinngornerullu ullaavani ikuallattumut, suli oqaaseqarusunngilaq. - Ilisimasaqanngilagummi, Flemming Henriksen naatsumik taama oqarpoq
Ilulissani Konrad Chemnitzip Aqqutaaniittumi pisiniarfimmi GH Datami ikuallattoornermut kalerrisaarut ullaaq nalunaaqutaq 05.05 aallartippoq. Nalunaaqutaq 05.11 qatserisartut pisortaat ikuallattumut apuuppoq, nalunaaqutarlu 05.14 qatsisartut qatserinerat aallartippoq.
Ilulissani politiit oqarnerat naapertorlugu ikuallanneq nalunaaqutaq 08.30 missaani siaruaakkunnaarpoq.
GH Datamik piginnittoq, Flemming Henriksen, ikuallattoq pillugu suli oqaaseqarusunngilaq.
- Ilisimaqanngilagummi, taama naatsumik Flemming Henriksen Sermitsiaq.AG-mut oqarpoq.
Atuaruk: Ilulissani politiit innuttaasunut: Angerlarsimaannaritsi
Atuaruk: Ilulissani ikuallattup qaminnissaa sulissutigineqarpoq
Politiit ikuallattup qanittuani illullit ataasinngornermi ullaakkut angerlarsimaannaquaat.
Aamma Mathias Storchip Aqqutaani Illumiunilu najugallit igalaaminnik silaannarissarfimminnillu matusimaannartitsitsinissaannik kaammattorneqarput.
Assit takukkit: Ilulissani GH Data ikuallattoq