Salloqittagaasimasoq
Gert Brask Aps atorunnaarsitaanngujoortoq
Timmisartuutileqatigiiffik Greenland Express Aps ukiumut naatsorsuutit inernerinik tunniussinissamut inatsisinik maleruaasimanngitsoq
Gert Brask Aps-ip Danmarkimi Erhvervsstyrelsip ukiumut naatsorsuutit inernerinik nassiussaqannginnera kinguneqartinneqalerpoq. Timmisartuutileqatigiiffik atorunnaarnissaa Erhvervstyrelsimit pigisanik agguaassisarnermut eqqartuussivik Aalborgimiittumut piumasarineqarpoq.
Check-in.dk allappoq.
Gert Brask 2012-imi nalunaarutigaa Air Greenlandimut unammillertunngorniarluni. Danmarkimit nunatsinnut timmisartuussisoqartalernissaa anguniarlugu. Eqqarsaalli suli piviusunngortinneqanngilaq.
Pappilissat piareeriarpata suliaq pissusissamisut ingerlaqqilerumaartoq Gert Brask check-in.dk-mut oqarpoq. Suleqatigisimasaminit sianiinaarneqarsimalluni oqarpoq. Tamanna 270.000 koruuninik naleqarsimasoq oqaatigalugu. Juunip aappaani - imaluunniit juunip ingerlanerani - Aalborgimit timmisartuussisoqartalernissaa aalajangiusimallugu oqaatigaa.
Aalborgip mittarfiani pisortalli tamanna upperinngilaa:
- Pitsaanerusumik ilisimasalinnut oqaluppoq, Gert Brask oqarpoq.