Polar Nanoq
Generalsekræteri: Islandimi toqqissisimasinnaavutit
- Toqqissillusi Islandimukaritsi. Aap, Islandimut tikeraarnissat pilersaarutaareersut taama pisoqaraluartoq naammassissavagut, Nunat avannarliit killiini generalsekræteri Inga-Dora Markussen naqissusiivoq.
Kalaallit Islandimiittut pissusiluffigineqarsimanerat pillugut inuit naapittarfiini oqallisigineqangaatsiarpoq.
- Inuit attaveqaqatigiittarfiini oqallinneq annikinnerpaaffissaminiileqqavoq, Inga-Dora Markussen naqissusiivoq, oqallinnerlu pisut aallaaveqaqqullugu misigissusilersorfigeqqunagu kaammattuutigalugu.
Qeqertami kalaallit isiginerlugaalersimaneranik oqallinneq iluumuunnginnerarpaa.
- Islandermiut kalaallinut ajunngitsorujussuupput. Soorunami aamma nipituuliortoqartassaaq tamannali ajornartorsiutaanngilaq, generalsekræteri naqissusiivoq "taamatulli pisoqartillugu kalaallit sassarsinnaanissaannik kiinnerluarnissaanillu nunat akornanni suleqatigiinneq tapersersorlugu" kaammattuutigalugu.
- Islandimi innuttaasut qanoq isiussallutik nalunngilluarpaat. Namminermi qeqertami aningaasarliorneqarmat Danmarkimit misiginikuusatik eqqaamavaat, Inga-Dora Markussen oqarpoq.