GE: Namminiilivinnissaq - suut oqaluukerineqassappa?
Sulisitsisut Future Greenland suleqatigalugu ataatsimiititsissaaq maajip 14-ani, tassani apeqqutit pingaarutillit apeqqutigineqassapput, tassani qanoq aningaasaqarnikkut namminiilivinnissamullu apeqqutit akineqassallutik
Kalaallit Nunaata namminiilivinnissaa qanoq anguneqassanersoq paasiniarlugu Sulisitsisut ataatsimiititisissapput.
- Piviusorsiortumik paasissutissiisoqartariaqalerpoq, tassani ilumut suna pineqarnersoq paasineqarniassammat. Aningaasaqarnikkut qanoq inerisaasoqassava, kiisalu suliffeqarnikkut ineriartornissamut periarfissanut sinaakkusiisoqarnissaa aamma pingaaruteqassalluni, Sulisitsisut tusagassiutinut nalunaaruteqarput.
- Politikerit, inuussutissarsiornermik suliaqartut aamma allat pingaarutilimmik inissisimasut ataatsimut suleqatigiinneratigut aningaasaqarnikkut napatilersinnaava? Aningaasaqarnikkut suut aqqutigineqassappat imminut napatilernissaanut, tassanimi apeqqummi namminiilivinnissamut aqqutaalluartuusoq Sulisitsisut isumaqarluinnarput. Pisumi Canadamit, Savalimmiunit, Islandimit Skandinaviamiillu peqataasoqassaaq.
Pisussami inuit 450-it peqataanissaat naatsorsuutigineqarpoq, ukiut marlukkaarlugit ingerlanneqartassasoq naatsorsuutigineqarluni.
Saqqummiisussatut qaaqquneqartuupput:
- Socialdemokratini siulittaasoq Mette Frederiksen
- Canadami ambassadørti Thomas Winkler
- Generalmajor Kim Jesper Jørgensen
- Professori Torben M. Andersen
- Den radikale Martin Lidegaard
- Dansk Erhvervimi pisortaq Brian Mikkelsen
- Kalaallit Nunaanni politikkikkut siuttut