GEA: Innermik anitsisoqarnera ajornartorsiutaanngikkallarpoq

- Islandimi innermik anitsisoqarneranik nalunaarutigineqartut malillugit innermik anitsineq annertunngilaq, taamaattumik Greenland Express Airip angallassinerinut eqquissanngilaq.

Greenland Express Airip pisortaanera Gert Brask oqarpoq.

- Innermik anitsinerup ineriartornera aaqqissuisoqarfitsinnit malinnaaffigineqarpoq, aamma Islandimi oqartussaqarfimmit ilisimatinneqartuarpugut susoqarneranik. Innermik anitsinerup ulluni immaqaluunniit sapaatit akunnerini tulliuttuni annertusissagaluarpat soorunami timmisartuutileqatigiiffiit allat assigalugit Islandimi timmisartuussinissarput eqqorneqassaaq. Imaassinnaavoq timmisartuussinerit unitsiinnarneqartut kinguartinneqartulluunniit, Gert Brask oqarpoq.

- Islandimi innermik anitsineq sakkortusissagaluarpat timmisartuussinernillu unititsisariaqalissagutta timmisartuussinerit kinguartinneqartariaqassapput, inatsisigineqartullu malinneqassallutik, Gert Brask nassuiaavoq.

Innermik anitsisoq Bardarbunga sermersuup Dyngjujökullimut 40 kilometerinik ungasitsigaaq. Taamaattumik innermik anitsisoqarnerani arsakorpassuit pilersinneqarsinnaapput. Taamatulli suli pisoqanngilaq.

Timmisartoqarfik Akureyri Reykjavikimit 380 kilometerimit ungasitsigaaq, avannarpasinnerulluni. Timmisartoqarfim matoqqatinneqarpoq 18.000 fods tikillugu qummut matoqqatinneqarluni. 5,5 kilometerit missaanniippoq.

Innermik anitsineq annertussappat 2010-mitut silaannakkut angallannerit unitsinneqaratarsinnaapput. Tassani Eyjafjallajökull innermik anitsivoq.