Skip to main content

GE-mi immikkoortoqarfiit mittarfiit pillugit: Aallartinniaritsi!

Sulisitsisut Qaqortumi, Ilulissani aamma Nuummi immikkoortoqarfiisa mittarfiit takissusissaasa oqallisigineqarnerat taamaatinneqartariaqartoq isumaqarput

Nuummi Ilulissanilu mittarfinnik 2200 meterisut takissusilinnik kiisalu Qaqortumi 1500 meterisut takissusilimmik sanaartortoqassaaq – tamannalu aallartinneqapallattariaqarpoq. Sulisitsisut immikkoortoqarfii pingasut taama oqariartuuteqarput – tupinnanngitsumik immikkoortoqarfiit mittarfeqarfinni sanaartorfiusussaneersuupput.

Partii Naleraq taaneqanngikkaluartoq, partiip 1200 meterisut takissusilinnik sanaartornissamut periarfissat misissorneqarnissaannut partii piumaqarpoq, tamatumalu immikkoortoqarfiit pingasut qisuariartippai.

- Simon Simonsenip maanna puullaaqinera paasisinnaavarput, maannami politikkikkut mittarfiit  allanik takissusilernissaannik imaqartut silannarmut milorujunneqarput, taakku tusagassiuutinut nalunaarummi allapput.

PN-ip mittarfiit takissusissaat isumaqatigiissummi peertikkai

Mittarfiit naannerunissaannut periarfissat misissortinniarlugit Partii Naleqqap ullumi Sermitsiami saqqummertumi uteqqippaa. Tamatuma saniatigut naalakkersuisoqatigiinnissamut isumaqatigiissut tamatumani tutsuiginarunnaarsimanera partiip pisuussutiginerarpaa.

- Naalakkersuisoqatigiinnissamik isumaqatigiinniarnerni mittarfissuarnut pilersaarutini takissusissaannik allassimasut peertinnissaat, uagut piumasaraarput. Isumaqatigiissutissatut missingiummi allassimagaluarpoq Nuummi Ilulissanilu mittarfiit 2.200 meterinik takissusilerneqassasut aammalu Qaqortumi mittarfissaq 1.500 meteriussasoq. Nuannaarutigaarput mittarfiit takissusissaasa aalajangiunneqarnissaannut allaanerusumik siunnerfeqarsinnaaneq ammaanneqarmat, Partii Naleqqap angallannermut oqaaseqartartua, Jens Napaattooq oqarpoq.

- Nalunaarusiarpassuit

Pissutsit misissorneqareersut aamma naammattumik oqaluuserineqareersut, immikkoortortaqarfiit taakku pingasut isumaqarput.

- Politikkikkut pissigarunnaarniaritsi, tamatumami kinguneriinnassavaa, nunanut allanut allaniillu toqqaannartumik silaannakkut angaalissaanerlinnissap naaffeqangiusattumik qipisunngortillugu inissinneqarnissaa, 1991-imili angallassineq pillugu isumaliutissiissut saqqummiunneqarmalli, misissuilluni nalunaarusiarpassuit qaavini. Maanna aaliangersinnaannginneq ukiuni 30-inngulersuni ingerlareerpoq. Tamannalu akissaqartinngilarput, Qaqortumi, Ilulissani Nuummilu Sulisitsisut allapput.

Inuussutissarsiortut kattuffii Partii Naleqqamik erseqqissumik oqaatiginninngikkaluarlutik isornartorsiunerminni akerlianik attaveqarnermut naalakkersuisoq Simon Simonsen (S) mittarfiliortiternissat tuaviortumik akuerineqarnissaannut ilungersuuteqarnera nersualaarpaat.

​​​​​​​- Simon Simonsenip Inatsisartut ilaannit ikorfartorneqarnissani ujartoruniuk, qularutiginngilluinnassavaa inuussutissarsiornermik suliaqartut annertuumik tapersersormanni.

Partii Naleqqap oqariartuutaa Sermitsiami saqqummertumi kingullermi paasisaqarfiginerusinnaavat:​​​​​​​

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER