Isikkamik arsaannermi GM

GBU: Siorasaarinerit dommeriorusunneq innarlersinnaavaat

Arsaannermi dommerip Qaqortumi siorasaarneqarsinerana arsattaartut kattuffiata GBU akuersaanngilluinnarpaa

GBUp siulittaasua John Thorsen

- Arsaattunik illersuisut illersukkaminnut kaammattuiniarlik allat nakkarsaqinagit.

Atuaruk: Isikkamik arsaannermi anngunniunnermi dommeri siorasaarneqartoq

Kaammattuut GBUp siulittaasuanit John Thorsenimit oqariartuutigineqarpoq Nagtoraliup Paamiuneersup aamma Eqaluk 54-ip Tasiusameersup pisoqarfioqisumik unamminerisa kingorna dommerip siorasaarneqarnerata kingorna.

Atuaruk: Assit: Uku iligiit tallimat GM-imut anngupput

Dommerit arsaqataasuni, sungiusaasunit illersuisunillu aatsaat appisaluunneqalinngillat.

Atuaruk: Dommeri unatartinnissamik siorasaarneqartoq

Qisuariarnissamut piffissakeqaat
- Dommerit uatsitulli inuinnannguakkuluupput kukkusinnaasut. Qaqortumi pisumi aamma paasinarpoq arsaaffiup pujoralanneranit dommerip takusinnaasai killeqarsimasut. Eqqaamassavarput pisut dommerit ataasiannarlugit piffissap sivikitsuararsuup iluani takullugillu nalilertussaammatigit. Taama sakkortutigisunik dommerit assortorneqartarnerat dommeriorusunnerup innarlerneqarneranik kinguneqarsinnaapput, John Thorsen oqarpoq.

Dommeri Isak Frederiksen Narsameersoq unatarneqarnissamik siorasaarneqarpoq ataasinngornermi Nagtoraliup isertitsigaluarnera atortussaajunnaarsereeraa. Eqaluk 54 tassani 2-1-mik ajugaavoq. Naligiiginnarsimasuuppata kikkut anngunnissaannut apeqqutaasorujussuusimasinnaagaluarpoq.

- Pisut taama ittut politiinut nalunaarutiginissaat isumaliutigineqarsinnaavoq. Politiiusimasutulli oqaatigisinnaavara pisuni taama ittuni uppernarsaatissanik pissarsiniarneq ajornaatsuinnaanngimmat aammalu nassuiaatigineqakkajuttarluni sukataarnermik taamaasiortoorsimalluni, John Thorsen oqaluttuarpoq

Dommerit ilaat aamma pisuutinneqartarput klubbinik aalajangersimasunik illersuisuunerarlugit.

- Dommerit kajumissaaginnarsinnaavakka tamakku peqatigiiffimminni oqaluuserisaqqullugit. Imaassinnaavoq pisuutitsinerit eqqunngitsuusut. Taamali pisoqarsinnaanera dommerit pitsaaliorsinnaavaat pisartut assigiinngitsut oqaluuserinerisigut, John Thorsen oqarpoq.

Powered by Labrador CMS