qinersineq

GA Olsvig-imut: Tutsugivinartumik politikkeqaritsi

Politiken IA-p urani pillugu taasisitsinissamini inernerit soqutiginianngikkai allaaserisaqareersoq Inuit Ataqatigiit siulittaasuanut Sara Olsvigimut isornartorsiuinerit imaaginnavipput

- Inuit Ataqatigiit siulittaasuata, Sara Olsvigip, Politikenimut oqaaseqarnermini nunatta aatsitassarsiornermut politikkianut nalornisitsilerpoq, taama sulisitsisut peqatigiiffianni siulittaasoq Brian Buus Pedersen oqarpoq

’Kalaallip politikerip nuisamasup taasisitsinerup inernera apeqqutaatinnianngilaa’.

Taama Politiken.dk arfininngormat allaaserisani qulequtsersimavaa.

Maanna sulisitsisut peqatigiiffiat, GA, oqallinnermut aamma akuleruppoq aatsitassaqarnermilu aalaakkaasumik politikeqarnissamut piumasaqarluni.

- Inuit Ataqatigiit siulittaasuat, Sara Olsvig, Politikenimut kalaallit aatsitassanut politikkiat ersernerluttumik akissuteqarfigigamiuk nalornilersitsivoq ersarissumik akinnginnami uranitalinnik piiaanissamut angerneq IA-p ataqqiniarneraa, sulisitsisut peqatigiiffianni siulittaasoq Brian Buus Pedersen tusagassiuutinut nalunaaruteqarluni allappoq.

Atuaruk: Olsvip uranimik paatsiveerunnera isorinnittut saassuppaat
http://sermitsiaq.ag/kl/olsvip-uranimik-paatsiveerunnera-isorinnittut-saassuppaat

Atuaruk: Urani innuttaasullu taasitinneqarnissaat pillugu Politiken allaaserinnereersoq Olsvig nassuiaateqarpoq
http://sermitsiaq.ag/kl/urani-innuttaasullu-taasitinneqarnissaat-pillugu-politiken-allaaserinnereersoq-olsvig

Sangujoraartumik ingerlanissamut toqqammavissaq
GA-lu nangilluni allappoq Sara Olsvig aamma IA maanna isumasiuinerit najoqqutaralugit Naalakkersuisunngortitseriaannaammata, taava Sara Olsvigip ersernerluttumik oqarnera aatsitassarsiornermik suliaqartut aningaasaliisartullu akornanni nalorninermik pilersitsisoq.

- Tamanna pivoq Kalaallit Nunaata aatsaat taama politikkikkut toqqissisimatigisumik pisariaqartitsiffiata nalaani, aammalu aningaasaliisartut naatsorsuutigisinnaasaminnik tunaartaqarusuffiisa nalaanni.

- Sara Olsvigip oqariartuutaasa takutippaat qanoq pingaaruteqartigisoq politikkikkut aalajangigassat amerlanerpaaniit Inatsisartuni naapeqatigiiffigineqartarnissaasa pingaarutaaat. Uranimut naaggaarluinnarnissamut aalajangerneq taama pinngilaq, tamannalu sangujoraartumik ingerlatsinissamut tunngaviliisuulluni, Brian Buus Pedersen oqarpoq.

Siumup aamma SIK-p Olsvig aamma uparuarpaat
GA-millu taama politikkikkut ersarinngitsigisumik oqariartuuteqarneq inuussutissarsiutit neriunaateqaraluartut aallartinngitsoorsinnaanerannut ernumaammersitsivoq.

- Aatsitassarsiornermi suliniutit piffissaq ungasissoq eqqarsaatigalugu aningaasaliiffigineqartussaapput, kisianni politikkikkut toqqissisimananngitsumik ingerlatsigaanni ukiorpassuarni aningaasaliissutissanik annaasaqarnermik kinguneqarsinnaavoq. Taamaammat pisariaqarpoq aningaasaliisartut milliarderpassuarnik aningaasaliinissaannut suliffissarpassuarnullu nunatta pisariaqarteqisaanut pilersitsinissaannut tatiginassusermik takutitsinissarput, GA-p pisortaa Brian Buus Pedersen oqarpoq.

Siumup aamma SIK-p Inuit Ataqatigiit siulittaasuat Sara Olsvig aatsitassat qaqutigoortut pillugit - soorlu urani- taasisitsinissaq ersernerluttumik oqariartuutigereeraalu aamma sakkortuumik uparuaanikuupput.

Powered by Labrador CMS