2015-imut aningaasanut inatsit

GA: Ajornartorsiornissaq qallivoq – qanilligaluttuinnarlunilu

Kalaallit Nunaanni Sulisitsisut Peqatigiiffiiata, GA-p, Naalakkersuisut 2015-imut aningaasanut inatsisissatut siunnersuutaannut nersualaarpaat, taamaattorli aaqqissuusseqqinnisat pilertortumik aallartinneqarnissaat aamma ujartorlugu

Kalaallit Nunaanni Sulisitsisut Peqatigiiffiiata pisortaa, Brian Buus Pedersen

Kalaallit Nunaanni Sulisitsisut Peqatigiiffiiat, GA, isumaqarpoq Naalakkersuisut aaqqissuusseqqinnissaq piaartumik aallartissinnaasunngorlugu salliutittariaqaraat, peqatigiiffiup nammineq isummersorneratut ‘aningaasaqarnikkut inooqataanikkullu ajutuunnginnitsinni’.

Naalakkersuisut 2015-imut aningaasaqarnermut inatsisissami 85 million koruunit pallillugit amigartoornissaq siunnersuutigaat, taarsiulluguli 2018-imi naatsorsuutit oqimaaqatigiilernissaat neriorsuutigalugu.

- Naalakkersuisut 2015-imi aningaasaqarnermut inatsisissatut siunnersuutertik saqqummiuppaat, taannalu Inatsisartunut qinersinissap suaarutiginnginnerani siunnersuummut assingusorujussuuvoq. Naalakkersuisulli ilungersorput oqarlutik: ‘Siunissami pisusssatut sioorasaarutaannaanngitsumik taartuinnarsuarmut ingerlasoqarpoq’, aningaasaqarnermut, aatsitassanut ikummatissanullu naalakkersuisoq Anda Uldum taama oqarpoq. Sulisitsisut aamma taama pisoqarnissaanut annilaangaqataapput, upperaarpulli iliuuseqarnissamut piumassuseqartoqarpat tamanna anigorneqarsinnaasoq.

Taama Kalaallit Nunaanni Sulisitsisut Peqatigiiffiat, ilaatigut Naalakkersuisut 2015-imut aningaasanut inatsisissatut siunnersuutaannut nersualaarinnittoq isummersorpoq.

Atuaruk: Aningaasaqarnermut inatsimmi amigartoornissaq siunnnersuutigaat

Atuaruk: Uldum: Sipaarniarnermi pilliutigineqartussat suli oqaatigineqarsinnaanngillat

Aaqqissuusseqqinnikkut ineriartortitsisoqarnissaa piumasaraat
Naalakkersuisut 2015-imut aningaasaqarnermut inatsisissami 85 million koruunit pallillugit amigartoornissaq siunnersuutigaat, taarsiulluguli aamma 2018-imi naatsorsuutit oqimaaqatigiilernissaat neriorsuutigalugu, tamannalu Namminersorlutik Oqartussani allaffissornikkut ingerlatsinikkullu ukiumut 50 millioner koruuninik sipaaruteqarnikkut anguniarneqarpoq.

- Ilaatigut pisortat ileqqaarnissaat, aqutsinikkut naammassisinnaasanik annertusaaneq minnerunngitsumillu inuussutissarsiornikkut atugassarititaasut paasiuminartut naalakkersuinikkut makeqqinniarnermi pisariaqartumi pingaarutillit, sivitsortumi Sulisitsisut tikkuartarsimavaat. Tatigeqatigiinneq pilersinneqassaaq, maannalu naatsorsuutigineqarsinnaalerpoq aaqqissuusseqqinneq Naalakkersuisut nutaat sukkalisissinnaagaat.

- Kalaallit Nunaat utaqqeqqinnissaminut akissaqanngilaq, tassami nalorninartorsioraluarlutik aningaasaliisinnaasut taakkutuaat nunarsuarmi tamarmi unammissutigineqarput. Matumani tatigeqatgiinneq pineqarpoq, taamaattumik aaqqissuusseqqinnissaq Naalakkersuisut salliutittariaqarpaat, piaartumik aallartissinnaasunngorlugu – aningaasaqarnikkut inooqataanikkullu ajutuunnginnitsinni, GA-p pisortaa, Brian Buus Pedersen, tusagassiuutinut nalunaaruteqarluni taama allappoq.

Atuaruk: Uldum: Sipaarniarnermi pilliutigineqartussat suli oqaatigineqarsinnaanngillat

Powered by Labrador CMS