Nordic Cup
Futsalimik nunanut allanut unammisartut unamminermi siullermi ajorsarput
Kalaallit futsalimik nunanut allanut unammisartut futsalimik unammersuarnermi, Nordic Cup-imi, unammeeqqaarnerminni, Finlandimut 1-4-mik ajorsarput
Annonse
Pingasunngormat kalaallit nunanut allanut unammisartut Nordic Cup-imi ulluni makkunani Norgemi ingerlanneqartumi, siullermeerutaasumik unammipput.
Tassani unammisartut pissartaasimasut Finland 1-4-mik ajorsarfigaat. Unammisartoqatigiit unamminerup immikkoortua siulleq naammassimmat 0-3-mik kinguaqqalereersimapput.
Unamminerup aappaani Danmark Sverigemut 4-3-mik ajugaavoq.
Kalaallit nunanut allanut unammisartut ullumi, sisamanngornermi, unammeqqissapput, tassani Sverige unammissallugu. Unammineq Nunatta nalunaaqutaa malillugu 15.00 aallartissaaq.