Nordic Cup
Futsalimik nunanut allanut unammisartut Nordic Cup-imi siullermeerutaasumik unammissapput
Kalaallit futsalimik nunanut allanut unammisartut pingasunngornermi Nordic Cup-imik unammersuarnerit Finland unammillugu aallarnissavaat
Nunani avannarlerni futsalimik-unammersuarneq, Nordic Cup, ulluni makkunani Norgemi ingerlanneqartoq, unamminerit marluk aallarniutigalugit marlunngornermi aallartinneqarpoq.
Unamminermi siullermi Danmark Norgemut 1-0-mik ajugaapput, pissartaasimasulli Finland Sverigemut 6-1-mik ajugaallutik.
Ullumikkullu pingasunngornermi kalaallit nunanut allanut unammisartui, unammersuarnermi unammeqqaassapput, tassani Finland naapissavaat.
Atuaruk: Futsalimik unammisartut uku Nordic Cup-ertoqarnissaanut toqqagaapput
Ukioq kingulleq Kalaallit Nunaat Finlandilu unammimmata isaatitsisoqangaatsiarpoq. Unammineq Finlandip 4-6-mik ajugaaffigaa.
Unammineq Nunatta nalunaaqutaa malillugu 15.00 aallartissaaq, KNR-TV-kullu toqqaannartumik isiginnaarneqarsinnaalluni.
Atuaruk: Sungiusaasup tullersortaa: Arsartartugut unnammisaqattaarnissaminnut qilanaaqaat