Nordic Cup
Futsalimik nunanut allanut unammisartut ajorsaqqittut
Kalaallit nunanut allanut unammisartut Nordic Cup-imi sisamanngornermi aappassaanik unammipput
Annonce
Kalaallit futsalimik nunanut allanut unammisartut Sverigemut unamminerup naammassinngitsiarnerani 3-3-qasimangaluarput.
Svenskillu marlunnik isertitsipallannerisigut kalaallit nunanut unammisartut unammineq 3-5-mik ajorsarfigaat.
Taamaasillutik unammisartut futsalimik unammersuarnermi, Nordic Cup-imi, ulluni makkunani Norgemi ingerlanneqartumi, unamminerit siulliit marluk ajorsarfigaat.
Kalaallit Nunaat tallimanngorpat Danmarkimut unammissaaq. Unammineq Nunatta nalunaaqutaa malillugu 12.00 aallartissaat.