Thursday, March 16, 2017 - 10:15

Futsalimi unammisartut sekundimi kingullermi ajorsartut

Kalaallit unammisartuisa siorna Nordic Cupimi unammineranni assilisaq
Assi.: Grønlands Boldspil-Union
Kalaallit futsalimi nunanut allanut unammisartui Tjekkietimi pissartanngorniunnissaq sioqqullugu danskit unammisartuinut misiliillutik unammipput - unammineq takuuk

Angutit nunanut allanut unammisartut Tjekkietimut aallannginnerminni ulluni makkunani Danmarkimiipput.

Pingasunngormat unammisartut miliummik danskit nunanut allanut unammisartuinut unammigamik målertoqarluarpoq, unammineq Gentofte Sportsparkimi pivoq.

Danskit unammisartui unammineq tamaat siuaqqalaaginnavipput, kisianni kalaallit unammisartut akiuulluarput. Muminnermi danskit unammisartui 3-2-mik siuaqqapput.

Atuaruk: Angutit futsalertartut UEFA-mi unammiuaarnermut peqataalersut

Sekundimi kingullermi ajorsartut
Unamminerup naammassilernerani 6-6-imik naligiipput.

Kisianni danskit unammisartui sekundimi kingullermi isertitsipput, kalaallit nunanut allanut unammisartui saassussinermi amerlanerussuteqarniarlutik måliniittoq anisinnera pissutigalugu.

Unammisartut ullumi unammeqqissapput, tamanna Gentofte Sportparkimi kalaallit nalunaaqutaat malillugu 16.45 pissaaq.

Kalaallit nunanut allanut unammisartui Tjekkietimi 'Generali Cupimi' sapaatip-akunnerata naanerani peqataassapput.

Unammisartut unamminerat tamaat uani takuuk:

Seneste nyheder / Nutaarsiassat kingulliit