futsal
Futsalimi unamminerit fjersynikkut takutinneqassanngillat
Teknikkikkut atortunik amigartoorneq pissutigalugu, KNR-TV-p futsalimi nunanut allanut unammisartut unammineri fjernsynikkut takutissanngilaat
Futsalimi nunanut allanut unammisartut qallunaat landsholdiinut arfininngorpat sapaatiuppallu unamminissaat isiginnaassallugit amerlasuut qilanaarisimassagaluarpaat.
Ajoraluartumilli unamminerit KNR-TV-kkut takutinneqassanngillat.
- Unamminerit takutinneqarnissaannut teknikkikkut atortunik amigaateqarnitsinnik tamanna peqquteqarpoq. 'Piggaappaat' Avannaani angalaarami, taakkulu atortorpaalunnik maanna amigaatigisatsinnik nassataqarput, KNR-mi tuniniaanermut pisortaq Claus Nissen, Sermitsiaq.AG-mut taama oqarpoq.
Teknikkikkut ajornartoq
Kalaallit Nunaanni Arsaattartut Kattuffiat unammisunik aaqqissuisoq KNR-ip oqaloqatigisimagaa taanna oqarpoq.
- Maannamut unamminerit aallakaatinnissaat teknikkikkut ajornarpoq, periarfissarsiorluta misilikkaluarparput, allaninngaanniit atortunik atorniarluta. Taamaaliortoqarsinnaanngilarli, Claus Nissen nassuiaavoq.
Futsalimi landsholdit unamminerat Nuummi Inussivimmi ingerlanneqassaaq.