futsal
Futsalimi arsaattartut uku toqqarneqarput
Nunanut allanut unammisartut Danmarkimk Islandimilu arlaleriarlutik unammissapput qaammatip tulliani
Futsalimi nunanut allanut unammisartut Danmarkimi sisamariarlutik unammissapput decembarip aallartinnerani. Aamma Islandimi unamminissaat naatsorsuutigineqarpoq.
Nunanut allanut unammisartut Danmarkiliarlutik aallassapput decembarip aappaani. Islandimut aallassapput decembarip arfineq pingajuanni.
Taamaattumik nunanut allanut unammisartunut sungiusaasuusut marluk, Rene Olsen aamma Tekle Ghebrelul, unammisartunik 14-nik angalaqataasussanik toqqaapput.
Arsaattartut toqqarneqartut:
- Looqi Svane, Qasigiannguit/Nuuk
- Arne Hansen, Nuuk
- Kaassannguaq Zeeb, Nuuk/Uummannaq
- Ari Hermann, Nuuk/ Danmark
- Frederik Funch Jensen, Maniitsoq/Nuuk
- Markus Jensen, Saqqaq
- Nikki Petersen, Aasiaat/Nuuk
- Maasi Maqe, Nuuk
- John Ludvig Broberg, Qeqertarsuaq/Nuuk
- Ejner Grønvold, Qeqertarsuaq/Nuuk
- Lars Peter Broberg, Qeqertarsuaq/Nuuk
- Nukappiaraq Thorleifsen, Nuuk
- Malik Juhl, Nuuk
- Nathan Møller, Maniitsoq
Isikkamik arsaattartut kattuffiat, GBU, Elite Sport Greenlandimit aningaasanik tapersersorneqarpoq ukioq kingulleq. Futsalertarnerup ineriartortinneqarnissaa anguniarlugu aningaasanik tapersiisoqarpoq.
- GBU aamma Elite Sport Greenland isumaqatigiissuteqaqqipput, taamaasilluni nunanut allanut unammisartut sungiusaqatigiissinnaalerput kiisalu Danmarkimut Islandimullu unammiartorsinnaalerlutik. Elite Sport Greenlandip 2014-mut aningaasanik tapersiinera taamatut kinguneqartinneqarpoq, GBU-p siulittaasua John Thorsen, tusagassiutinut nalunaarummi allappoq.
Aamma 2015-mi aningaasanik tapersersuisoqaqqissaaq. Tamanna ukiup nutaap aallartinnerani atsioqatigiissutigineqassaaq.
Danmarkimi unamminissat pilersaarutigineqartut:
Pingasunngorneq decembarip pingajuat nal. 19:30: Kalaallit Nunaat - Lystrup
Sisamanngorneq decembarip sisamaat nal. 21:00: Kalaallit Nunaat - Søhus/Stige
Kalaallit Nunaata peqataaffigisaanik unamminerit:
Sapaat decembarip arfineq aappaat nal: 10:30: Kalaallit Nunaat - Norskovlund IF
Sapaat decembarip arfineq aappaat nal: 16:30: Kalaallit Nunaat – Søhus/Stige
Islandimi unamminissamut pilersaarutit suli inissivinngillat, unammisoqarumaartorli John Thorsenip Sermitsiaq.AG-mut ilisimatitsissutigaa.