Nordic Cup

Futsalertartut unamminermi siullermi ajorsartut

Kalaallit Nunaat futsalerluni pissartanngorniunnermi Nordic Cupimi sisamanngornermi Finlandimut unammivoq. Unammisut 4-6-imik ajorsarput

Kalaallit nunanut allanut unammisartut Finlandimut ajorsarput

Kalaallit futsalimi nuanut allanut unammisartui ulluni makkunani Sverigemi nunani avannarlerni futsalerluni pissartanngorniunnermut Nordic Cupimut peqataaput.

Unammisartut sisamanngornermi unammeqqaarput, tassanilu nunanut allanut unammisartut pissartanngorniunnermi siorna pissartaasimasut, Finland unammivaat.

Målinik marlunnik ajorsartut
Kalaallit målinik marlunnik 4-6-eramik ajorsarput, unamminerup immikkoortua siulleq naammassimmat 0-3-mik kinguaqqasinnarlutik.

Frederik Funch, Nikki Petersen, John-Ludvig Broberg aamma Ari Hermann unamminermi isertitsisuupput.

Ullumi tallimanngornermi unammisartut unammeqqissapput. Unammisartut Norge naapissavaat, unamminerlu Nunatsinni nalunaaqutaq malillugu 11.00 arsassapput.

Atuaruk: Futsalimi nunanut aallanut unammisartut misiliinermi ajugaasut

Powered by Labrador CMS