KL

DK

Nuuk

Futsal Cup 2015: Inuusuttut takutitsilluartut

Sisimiuni angutit futsalimi pissartanngormiunnerat ingerlanneqaleruttornerani, Nuummi inuusuttut GB Cup 2015 aamma unammisaqattaarput. Kikkut Semifinalimut anngunnersut takukkit.

N-85, Narsaq, K-33-ilu, Qaqortoq, unammimmata aporaannerit amerlapput Mads Pedersen Mads PedersenIT-79 aappaluttut B-67-ilu tungujortut Mads PedersenInuusuttut teknikkigipput, qularnanngilaq arlallit siunissami angusarissaarumaartut Mads PedersenGSS S-68-ilu Mads PedersenN-48-ikkut B-67-imut kinguaqqagamik pissusertik allanngortinngilaat. Sukataarput arsarnertillu nuannaralugu arsarlutik Mads PedersenInuusuttut arsalerillaqqinneri alutornarluinnarpoq Mads PedersenQatanngutigiit Mikkel aamma Tobias. Taakku B-67-imi arsartarput, aappaa U-8-mi aappaalu U-11-imi. Qularnanngilaq siunissami pissartanngorniunnerni peqataasalerumaartut Mads PedersenS-68 arsartartut arsalerillaqqipput nukittullutillu Mads PedersenS-68 aamma B-67 unammisut Mads PedersenN-48 unamminermi kingullermmi GSS-imut 9-0-imik ajugaarujussuarpoq Mads Pedersen
Mads Pedersen

Arfininngornermi anummisaqattaarnerit aliikkutaalluinnarput, målerpassuillu isertinneqarlutik.
Holdit kujataanersut marluk, tassa K-33 (Qaqortoq) aamma N-85 (Narsaq), unammimmata unammineq sakkortulaarpoq. Tassani aporaannerit arlallik pipput. Qularnanngitsumik holdit taakku tamarmik ajugaarusullutik. Aallarteqqaarmata K-33-i arsarluarneruvoq. N-85-ili piareersarluarnerusimasutut isikkoqarpoq, unamminerlu aqulerlugu. Narsarmiut 3-1-imik ajugaapput.

N-48 Ilulissaneersut arsalerillaqqissuupput sakkortuumillu arsariaaseqarlutik. Tamannalumi N-48-ikkut ilisarnaatigaat. N-48-ukkut arsarnermut paasinnittaasaat pitsaalluinnarpoq, B-67 hold 3-mut unammigamik 10-0-imik ajugaanerminni tamanna takutippaat. Taakku arlaleriarlutik arsaq ingerlaartipilooriarlugu isertitsisarnerat isiginnaartunit tupaallaatigineqarlutillu nuannarineqartarput. Nemo Thomsen arsallaqqinnera immikkut maluginiarneqarpoq.

N-48-ukkulli B-67 hold 1 naapikkamikku arsalerillaqqinnerat sakkortuneralla naammanngilaq. B-67-ikkut angissusertik sukkassusertillu atorpaat 5-1-imillu ajugaallutik. Tassani Niclas Storch, B-67, pingasoraarluni arsarluarnerpaavoq.

S-68 (hold 1) Sisimiuneersut B-67 (hold 1) naapippaat. Unammineq taanna pissanganarsinngitsoorpoq, tassami S-68-kkut ajornanngitsunnguamik isertitsisaqattaaramik. Tassani Nikki Petersen arsarluaqaaq tallimaraarami. Sisimiormiut takujuminaqisumik tunioraaluaqattaarput arsarnerallu ajornanngippaseqaluni. S-68 12-1-imik ajugaapput.

GSS (hold 1) Nuummeersut unamminerit tamaasa arsarluaqaat. Ullormut unammineranni kingullermmi 9-0-imik K-33-imut ajugaapput, Niclas Sommer tallimaraarluni arsarluarnerpaasoq.

Semi finali pissanganersinnaasoq
Ullumi sapaammi unamminerni målerpassoorinnaapput. Semifinalimi siullermi B-67-ikkut nukappissat Sisimiuneersut S-68 (hold 2) naapissavaat. S-68 B-67-ikkutulli assallaqqissuupput nukittullutillu sukkasuut. Unammineq taanna naligiiffioriaannaavoq.

Semifinalip aappaani GSS-ikkut S-68 (hold 1) naapissavaat. GSS holditut arsallaqqippoq, S-68-ilu ataasiakkaanik immikkut pikkoriffilinnik arsartoqarluni. Holdit taakku marluk pissartanngornissamut naammattuni piginnaasaqarput. Unamminerit ullup qeqqanut aallartissapput.

Aajuku isertitsinerpaat tallimat:

  • Nemo Thomsen, N-48, 8 mål.
  • Niclas Storch, B-67, 8 mål.
  • Tais Lennert, S-68, 7 mål.
  • Sebastian Kristiansen, IT-79 Nuuk 1, 7 mål

  • Karl Christian Zethsen, S-68, 7 mål.

Assit ataani takukkit

assit timersoneq nunatsinnit
Powered by Labrador CMS