Fredslyset 2018 Kalaallit Nunaannukarpoq

Ikualaneq nunarsuarmi tamarmi qaamanermik tunisivoq. Isumassarsiaq Fredslys-imik tunngaviliisoq taamaappoq, Fredslys-ilu maanna 17-issaanik Kalaallit Nunaannukarpoq.

Royal Arctic Linep umiarsuaataa Malik Arctica, Aalborgimi Grønlandshavnimi sisamanngormat avalattoq, immikkuullarilluinnartunik usisaqarpoq. Tassaana Fredslys 2018 (Eqqissinerup qaamanera 2018 aaqq.), Nuummut Sisimiunullu ingerlaartoq.

Naneruami petruuliutortumi inneq ikumavoq, sillimaniarneq pissutigalugu taanna containereeqqamiitinneqarpoq. Umiartortut fredslys umiarsuup qaavaniitippaat, taamaasillutik akunnerit 20-kkaarlugit naneruaq ikummatissamik immertarniassagamikku.

Fredslyset maanna 17-issaat Kalaallit Nunaannukarpoq, Nuummi spejderinit Sisimiuniillu Sct. Georgs Gildemit tikilluaqquneqarumaarluni, fredslysip angalaneranik ataqatigiissaarisoq, Lene Skriver Danmarkimi Sct. Georgs Gildemeersoq oqaluttuarpoq. Lene Skriver siornatigut Nuummeereersimavoq, Sct. Georgs Gildemi ukiorpaalunni gildemesteriusimalluni.

Fredslysimik ileqqoq Østrigimeersuuvoq, østrigimi radioqarfik ORF (Osterreihischen Rundfunk) Fredslysimik, Betlehemimi ikumatitap pinngorfianit qaarusummit ukiut tamaasa tikisitsisarami. Wienimi naalagiareernerup kingorna spejderit gildemilu ilaasortaasut Fredslysip ikumarnganik avitsisarput, taamaasiorlutik nunaminnut ikumatitaq nassiunneqarsinnaanngorlugu. 2001-imiilli Danmarkimut Kalaallit Nunaannullu aamma nassiunneqartalerpoq.

- Taama iliornerup siunertaraa soorunami eqqissinermik oqariartuutip siaruarnissaa, tulluarluinnarporlu juullilernerani taamaaliornissaq. Asuliinnaanngitsumik spejdereqarneq eqqissinermik siunertaqartutut annerpaatut taaneqartarpoq, spejderimmi nunat killii, upperisaq politikkikkullu isummernerit akimorlugit suleqatigiissinnaapput.

Fredslys Nuummut Sisimiunullu tikippat immikkut aaqqissuussamik sammisaqartitsisoqassaaq, Betlehemimeersup innerup ikumarnanik takusaanissamut innuttaasut periarfissinneqassallutik. Fredslys 2018 Nuummut novembarip 22-anni Sisimiunullu novembarip 24-anni tikissaaq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS