nipilersorneq
Frederik Elsner kisimiilluni saqqummersitsilerpoq
Suliniut ukiuni pingasuni ingerlassimavaa
Frederik Elsneri Nanookimeersoq ukiuni pingasuni kisimiilluni suliniummik nipilersortarnermi saniatigut suliaqarsimavoq.
Nipilersortartut Nunani Avannarlerneersut
Nuusiaq septembarimi Københavnimi immiunneqassaaq, suliniutillu nalinginnaanngissutigaa, Nunanik Avannarlerneersunik suleqateqarami.
Tassani svenskit, norskit, danskit, kalaallit, savalimmiormiut aamma islandimiut nipilersortartut Københavniliarlutik immiusseqataassapput.
Saqqummersitsinissap ullua aalajangiusimavinngilaq, kisianni ukiup nutaap aallartinnerani naatsorsuutigineqarpoq.
Imminermut tunngasoq
Frederik kisimi nammineerluni saqqummersitsinissamini inuttut nammineq oqariartuuteqartupilussuuvoq, aammalu Nanook Hinnarillu peqatigalugit angalasarnerannik imaqartupilussuuvoq. Nipilersoriaaseq Nanookimisut inngilaq, kisianni erinaa ilisarnassajunnarsivoq.
Frederik aamma Nanookimi ingerlatsisupilussuaq, angajunilu Christian taallanik Nanookimi saqqummertussanik piariigaqareerput, taanna nipilersoqatigiit 2018-imi ukiut qulinngortorsiorneranni saqqummernissaa naatsorsuutigineqarpoq.
Frederiup saqqummersitsinermini 'F' taaguutigissavaa, nuuteerarlu erinnanik qulinik imaqassaaq.