Inunnut katerisimaarfik
Fredericiami kalaallit nutaamik peqatigiiffittaartut
Ippassaq Puilasoq Kalaallit Fredericiami nutaanik siulersuisortaarput. Taamaasilluni Danmarkip ilaani kalaallit ikinngutsiminnulli naapeqatigiiffittaarlutik
Fredericiami kalaallit peqatigiiffiani siulersuisut tunuarmatali, jyllandip kujasissortaani kalaallit naapittarfissaminnik amigaateqarsimapput.
Ippassarli nammineq piumassusillit kalaallinit kalaallinulli soqutiginnittunik nutaamik peqatigiiffiliorlutillu siulersuisortaarsimapput.
Atuaruk: Fynimi kalaallit peqatigiiffiat inuusuttunik ujartuipput
- Ataatsimeersuarnermi soqutiginnillutik 18-nit takkussimapput ilaat peqatigiiffiusimasumeerlutik, peqatigiiffik Inut Kpk, Facebookimini paasissutissiivoq.
Peqatigiiffittaami Rasmine Kaas siulittaasunngorpoq, Sissi Lennertilu siulittaasup tullinngorluni. Nereqatigiinnerit, bankornerit assassornermilu ilinniartitsinerit siunertaralugit peqatigiiffik pilersinneqarpoq.
Peqatigiiffik Facebookimi gruppiliorsimavoq tassani ilaasortat akuerineqarsinnaallutik; Puilasoq Kalaallit Fredericiami.