nunanut allanut politikki
Franskit senatoriata Kalaallit Nunaat pillugu nalunaarusiaa piareerpoq
Franskit senatoriata André Gattolin-ip, septembarimi Kalaallit Nunaannut Danmarkimullu tikeraartup, Kalaallit Nunaat pillugu nalunaarusiani naammassivaa
Kalallit Nunaannut angalanermi kingorna parlamentarikeri franskit Senat-ianni aningaasaqarnermut ataatsimiititaliami siulittaasup tullinngorlunilu EU-mut ataatsimiititaliami ilaasortanngorsimavoq.
Nalunaaruriaq, taaguutilik ´Le Groenland, un carrrefour entre l´Europe et l´Arctique?´ (kalaallisut: Kalaallit Nunaat, Europap Issittullu akornanni naapiffik?), franskit Senat-iata EU-mut ataatsimiititaliaanit sananeqarsimavoq, ilaatigullu misissorneqarlutik Kalaallit Nunaat nukittussusii sanngiissusiilu, nunami atukkat pissusiviusut aammalu EU qanoq isilluni pitsaanerpaamik tapersersuisinnaanersoq, Kalaallit Nunaata unammilligassai eqqarsaatigalugit.
Nalunaarusiaq, franskisuujusoq, André Gattolin-ip ukioq manna Issittoq pillugu allagaasa aappassaraat.
– Issittoq pillugu franskio parlamentarikerip sanaava una isigineqassaaq Frankrigip issittumik siammasinnerusumik samminnilerneranut. Nunap aappaagu issittumut ´roadmap´-ini naammassissavaa silallu pissusia pillugu ataatsimeersuarnermik pingaarutlinnik COP21-mik ingerlatsisuussalluni, franskeq ph.d., Reykjavikimilu siunnersorti, Damien Degeorges oqaluttuarpoq.