Franskeq Nuummut tikeraartoq
Frankrigip ambassadøria Véroniaque Bujon-Barré Nuummut Ilulissanullu tikeraarpoq
Annonse
Sapaatip akunnerani qaangiuttumi Aleqa Hammondip franskit ambassadøriat Véronique Bujon-Barré tikilluaqquvaa. Taassuma aamma inuussutissarsiornermut aatsitassanullu Naalakkersuisoq Jens-Erik Kirkegaard ataatsimeeqatigaa tamatumalu saniatigut Issittumi Sakkutooqarfik pulaarlugu.
Ambassadøri aamma Ilisimatusarfimmi ilinniagaqartut aammalu Inuit Circumpolar Council-imeersut naapippai.
Franskit Nunatsinnukartitsineranni franskit ingerlatsivii nittarsaanniarneqarput, taamatut allappoq Frankrigip Københavnimi allartitaqarfia.