Monday, July 17, 2017 - 11:10

Frankrigimi atuarneq

Tasiilami atuartut ilinniartitsisulli EU-p aningaasaateqarfia aningaasaliisoralugu Frankrigimi Lyon-ip qanitaani nunaannarmi illoqarfimmiissimapput, tassani silaannaap allanngoriartornera sammineqarsimalluni.
Assi.: Kommuneqarfik Sermersooq
Ukiup tulliani atuartut 26-it Lyon-ip qanitaanut nunaannarmi illoqarfiliassapput, tamannali pissutaalluni aasaanerani atuanngiffiup siuliani kingornanilu immikkut atuartitsinerit ingerlanneqarsimapput.

Ukioq manna Tasiilami Alivarpimmi 7. 9. klassit franskinit tikeraarneqarsimapput.

Silaannaap allanngoriartornera

- Nunarsuatsinni inuit amerliartorneri ilutigalugu silallu allanngoriartornera avatangiisillu mianerineqaratik atugaaneri paasilluarumallugit, Tasiilami atuartut Frankrigiliannginnerminni ilinniagassaraat. Tasiilami atuartut silap allanngoriartornera aamma nunarsuatta kissakkiartornera sammivaat. Taakkulu saniatigut kulturi, oqaluttuarisaaneq aamma ileqqut ilinniarneqarlutik, Tasiilami Alivarpimmi ilinniartitsisoq, Mikael Franks Kommuneqarfik Sermersuup tusagassiuutinut nalunaarutaani oqarpoq.

Frankrigimi illoqarfimmi Lyonimi atuartut Tasiilamut tikeraarnerminni Tasiilami atuartut tuluttut oqaloqatigisarpaat. Franskit atuartut Tasiilami ilaqutariinni amerlanerpaat najugaqarput, tassalu Tasiilarmiut Frankrigiliarunik aamma ilaqutariinni najugaqarnissaat pilersaarutaallu. Taamaattumik atuartut Frankrigimi ilaqutariinnik maanna allaqarteqartalereerput.

Atuarutut Alperne silaannaap allanngoriartorneranik unammilligassaqartunut ilaasoq eqqaatungaaniissimapput.

- Taama qatsitsigisumi najugaqarnerminni sila allanngoriartornerata kinguneri qanimut misigisarpaat. Tassalu Lyonimut tikeraarnitsinni qaqqani sermit aajuitsut ukiuni kingullerni qulini sunnigaasimaneri takuniagassatta ilagalugit, Mikael Franks oqarpoq.

Angalaneq Paris-imut naggataarneqartoq

Tasiilami atuartut Lyonimt tikeraareernerminni illoqarfissuaq Paris takuniagassaannut ilaavoq. Ullunilu sivisuberpaamik sisamani Parisimiinnerminni takuniagassaasa ilagaat katersugaasivissuaq Louvre, oqaluffissuaq Notre Dame aamma Parisip ilisinnaataasa ilangilluiunnagaat Eiffeltårnet.

Silap allanngoriartornerata paasiniarneqarnissaa kulturikkullu paarlaasseqatigiinneq EU-p aningaasaateqarfianit aningaasaliiffigineqarpoq.

Seneste nyheder / Nutaarsiassat kingulliit