isumaqatigiissut

Folketingip Pituffik pillugu suliassaq tuaviortumik suliarissavaa

Pituffimmi kiffartuussinissamut isumaqatigiissut annaaneqartoq pillugu suliassaq Folketingip januaarip 21-ani oqallisigisussanngorpaa. Nunatsinni Inatsisartuni Naalakkersuisunik aggersaajumaneq itigartinneqartoq

Inuit Ataqatigiit Folketingimi ilaasortaatitaat Johan Lund Olsen

Inuit Ataqatigiit Pituffimmi kiffartuussinissamut isumaqatigiissut annaaneqartoq pillugu Inatsisartuni Naalakkersuisut aggersarneqarnissaannut piumasaqarnerminni amerlanerussuteqanngitsoortut, partiip Folketingimi ilaasortaatitaa Johan Lund Olsen suliap Folketingimi pilertortumik sammineqarnissaanut tapersersuinermut ’iluarisaarinnilluarpoq’.

Taama Inuit Ataqatigiit tusagassiuutinut nalunaaruteqarput.

Pituffimmi kiffartuussinissamut isumaqatigiissut annaaneqartoq pillugu Folketingip tuaviuussilluni oqallisiginninnissaa januaarip 21-ani pissaaq.

Atuaruk: Pituffik pillugu suliaq Folketingimi oqallisigineqassaaq

- Isumasioqatigiinnissaq sulissutigilerakkuli aalajangiuppara Folketingimi ilaasortaqatima akornanni apeqquteqaateqarnissamut tapersersortissarsiornissara. Taamaaliorumavungalu assersuutigalugu isumaqsioqatigiinnerup akissutigineqartunit apeqqutit amerlanerusut nassatarissappagit, ajorlaluartumillumi taama pisoqarpoq, Johan Lund Olsen nalunaarummini taama oqarpoq.

- Suliap ilungersunartuunera annertussusialu eqqarsaatigalugit, pingaartorujussuuvoq, suliarilluarnissaa neriunartumillu piaarnerpaamik Folketingimi pitsaasumik erseqqissarnissaa. Uanimi pineqarpoq suliassanngortitseqqinneq februaarip 20-annut killeqartoq. Maannalumi pingasunngornermi januaarip 21-anni oqallisigisussanngorparput, Johan Lund Olsen taama naqissusiivoq.

Apeqquteqaateqarneq
Apeqquteqaatip kingunerisinnaavaa aalajangiiffigisassatut siunnersuuteqarneq, Folketingimit tamarmiusumit taasissutigineqartussaq.

Atuaruk: Pituffik: Kalaallit Nunaata eqqartuussisunut ingerlateqqitassanngortitsineq utaqqisariaqarpaa

Atuaruk: Pituffik: Nunatta Danmark tatisimavaa

Inatsisartunit itigartitsissutigineqartoq
Kisianni Inuit Ataqatigiit Inatsisartuni gruppiat suliami tassani ingerlanerlunneruvoq, partiimmi nunanut allanut sillimaniarnermullu ataatsimiititaliami ilaasortaatitaasa Naalakkersuisunik kiffartuussinissamut isumaqatigiissut annaaneqartoq pillugu isumasioqatigiinnissamik kissaatertik amerlanerussuteqarfiginngimmassuk.

- Folketingip suliamik pimoorulluinnarlugu suliarinninneranut, Inatsisartut nipangiinnarlutik isiginnaartuuinnassanngillat. Kalaallit Nunaat aningaasarpassuillu pineqarput, nunatta karsianut aningaasarpassuit, Inuit Ataqatigiit siulittaasuat Sara Olsvig oqarpoq.

Atuaruk: Doris Pituffik pillugu: Tamanna akisussaqaaq

Powered by Labrador CMS